मालेगाव – चित्रपटाचे तिकीट मिळवण्यासाठी अशी करावी लागली कसरत ( बघा व्हिडिओ)

नाशिक –  मालेगावचे चित्रपट वेड सर्वांना परिचीत आहे. तासनतास चित्रपटांचे पोस्टर बघणे व नव्या चित्रपटासाठी झुंबड करणे हे येथे नित्याचेच. पण, कोरोनाचा प्रादुर्भाव वाढत असतांनाच नव्या चित्रपटासाठी झालेली गर्दी व त्यातून तिकीट मिळवण्यासाठी केलेल्या कसरती मात्र शहरात चर्चेचा विषय ठरला. विशेष म्हणजे याचा व्हिडिओ व्हायरल झाला असून त्यामुळे प्रशासनही जागे झाले आहे….

शुक्रवारी मालेगावच्या मोहन चित्रपटगृहात शुक्रवारी जॉन अब्राहन आणि इम्रान हाश्मी यांचा मुंबई सागा हा चित्रपट प्रदर्शित झाला. शुक्रवारी सुट्टीचा दिवस असल्याने चित्रपट पाहण्यासाठी सिनेशौकिनांची मोठी गर्दी केली होती. चित्रपटाचे तिकीट मिळावे यासाठी झुंबडही उडाली .त्यातच काही जण तिकीट मिळवण्यासाठी तिकीट खिडकीवर उड्या मारुन तिकीट मिळवत होते….