नाशिक – अहिल्यादेवी होळकर पुलाखालील मॅकेनिकल गेटसाठी नाशिक स्मार्ट सिटी कंपनीने गोपिकाबाई पेशवे यांचे निवासस्थान व दहन स्थळातील तुळशी वृंदावन तोडत होते. पण, मी प्रत्यक्ष जागेवर जाऊन स्मार्ट सिटीतील अधिकाऱ्यांशी चर्चा करून सदर काम थांबवले. स्मार्ट सिटीचे एकंदरीत काम पहाता. ऐतिहासिक वारसा स्थळ जतन-संवर्धन करण्या ऐवजी स्मार्ट सिटी कंपनी तोडण्यात धन्यता मानत असल्याचे सामाजिक कार्यकर्ते देवांग जानी यांनी सांगितले.
यावेळी त्यांनी सांगितले की, नाशिक सिटी सर्व्हे कार्यालयातील डीएलआर मॅपनुसार सदर जागा गोपिकाबाई पेशवे यांच्या बंगला म्हणून उल्लेख आहे. रेकॉर्ड ऑफ राईट्स मध्ये गोपिकाबाई यांचे नाव आहे. नाशिक शहराच्या इतिहास, भूगोल माहीत नसणारे शहराचे रचनाकार बनले आहेत. गोपिकाबाई यांचे निवासस्थान व दहन स्थळ यास धक्का न लावता पुढील कार्य कारावे असेही जानी यांनी सांगितले. यावेळी माजी आमदार बाळासाहेब सानप, स्मार्ट सिटी अधिकारी शोएब सय्यद, संजय पाटील व चिराग गुप्ता, देवेंद्रनाथ पंड्या, ऋतुल जानी उपस्थित असल्याची माहिती त्यांनी दिली.
