नाशिक – गौरी गणपतींच्या आगमनाने वातावरण मंगलमय झाले आहे. आर्ट ऑफ लिव्हिंग यांच्या तर्फे गौरी गणपती भजनसंध्या आयोजित करण्यात आली आहे. फेसबुक लाईव्हच्या माध्यमातून आज ( २५ ऑगस्ट ) संध्या ६.३० ते ७.३० यावेळेत भजन संध्येचे आयोजन करण्यात आले आहे. सचिन ताम्हणे व त्यांचे वाद्यवृंद भजनसंध्या सादर करणार आहेत.
सर्वच सणांवर यंदा कोरोनाचे सावट असल्याने लाईव्हच्या माध्यमातून कार्यक्रम सादर करत करण्याकडे सर्वांचा कल आहे. आर्ट ऑफ लिव्हिंगतर्फे सातत्याने लाईव्ह भजन संध्येचे आयोजन करण्यात येते. यंदा गौरी गणपतीच्या निमित्ताने सचिन ताम्हणे यांच्या भजनसंध्येचे आयोजन करण्यात आले आहे. सध्या कोरोनाचा प्रादुर्भाव लक्षात घेता कार्यक्रमांना लाईव्ह स्वरूप प्राप्त झाले आहे. जास्तीत जास्त लोकांपर्यंत पोहोचण्यासाठी फेसबुक लाईव्ह प्रभावी माध्यम असल्याने मोठ्या प्रमाणात उपस्थिती नोंदवावी असे आवाहन अमर्त्य व आव्हाड परिवारातर्फे करण्यात आले आहे. हि भजन संध्या आज संध्याकाळी ६.३० ते ७.३० यावेळेत होणार आहे. आर्ट ऑफ लिव्हिंगच्या फेसबुक पेजवर भजन संध्या पाहता येणार आहे. आर्ट ऑफ लिव्हिंगच्या www.facebook.com/nashikaol किंवा https://www.facebook.com/avinash.avhad.52 या फेसबुक फेजला भेट द्या.
