येवला – हरणांचे अधिवास असलेल्या येवला तालुक्यातील ममदापूर-रेंडाळे रस्त्यावर कारची धडक बसल्याने काळवीट जखमी झाले. सध्या या परिसरात हिरवळ मोठ्या प्रमाणात असल्याने हरणांचे कळप मुक्तपणे संचार करत असतात. रस्ता ओलांडून दुसरीकडे जात असताना कारची धडक बसल्याने काळविटाच्या पायाला मार लागला. त्यामुळे ते पळू शकत नव्हते. वन्यजीव संरक्षण पथकाच्या सदस्यांना याची माहिती देण्यात आली. त्यानंतर सदस्यांनी वनविभागाला याची माहिती दिली. वनविभागाच्या कर्मचाऱ्यांनी काळविटाला उपचारासाठी रुग्णालयात नेले आहे. त्यामुळे या काळवीटाला जीवदान मिळाले आहे.
