मुंबई – वरील फोटोमध्ये दिसणाऱ्या अभिनेत्रीला तुम्ही चांगलेच ओळखता. तिच्या फिटनेसबाबत आणि चित्रपट पाहण्यासाठी चाहते नेहमीच तत्पर असतात. तरीही तुम्ही नाही ओळखलंत? चला आणखी थोडी हिंट देतो. ही अभिनेत्री चित्रपटसृष्टीतील कुटुंबाशी संबंधित आहे. अजूनही तुम्ही ओळखू शकला नाहीत? चला आम्हीच सांगतो…
ही आहे चित्रपट अभिनेत्री सारा अली खान. होय ही सारा अली खानच आहे. साराचे ९६ किलो वजन असतानाचा हा फोटो आहे. ती पीसीओडी नावाच्या आजाराने ग्रस्त होती. साराने आपल्या इन्स्टाग्राम अकाउंटवर हा फोटो #Throwback हॅशटॅगसोबत शेअर केला आहे.
चार महिन्यात ३० किलो वजन घटविले
लहानपणी सारा एक क्यूट आणि गुबगुबीत मुलगी होती. परंतु बॉलिवूडमध्ये प्रवेश करण्यापूर्वी तिने स्वतःला फॅटकडून फिट केले. त्यासाठी साराने चार महिने खूपच मेहनत घेतली. योग्य डाएट घेऊन तिने आपले वजन ३० किलो कमी करण्यात यश मिळविले.
