अजय सोनवणे, इंडिया दर्पण वृत्तसेवा
येवला तालुक्यासह महाराष्ट्रात चांगल्या प्रकारे पाऊस पडावा तसेच पिके पाणी चांगल्या मुबलक प्रमाणात यावे याकरता येवला तालुक्यातील सावरगाव येथिल गुरुदेव दत्त विश्वस्त संस्था यांच्या वतीने दरवर्षी भव्य पर्जन्य दत्तयाग आयोजन करण्यात येत असते. तीन दिवस चालणाऱ्या या भव्य दत्तयागास ७५१ जोडपे पूजेस बसले होते. आज या यागाचा पूर्णाहुती सोहळा जनार्दन स्वामींचे शिष्य महामंडलेशवर शिवगीरी महाराज यांची उपस्थिती पार पडला. शिवगिरी महाराज यांचे सावरगाव येथे आगमन होताच त्यांचे स्वागत होऊन त्यांच्या हस्ते तीन दिवस चालणाऱ्या होम कुंडात पूर्णाहुती करण्यात येऊन पर्जन्य योगाचा समारोप करण्यात आला. या कार्यक्रमास हजारो भाविक मोठ्या संख्येने उपस्थित होते..
