येवला – भरदिवसा महिलेच्या गळ्यातील दोन तोळ्यांची सोन्याची पोत चोरट्यानी हिसकवल्याची घटना येवला शहरातील चंडालिया हॉस्पिटलच्या बाजूला ६० फुटी रोड, गणेशनगर भागात घडली. ही महिला कुरियर सामान घेऊन दुकानातून बाहेर रस्त्यावर आलेली असतांना ही घटना घडली. ती गाडीवर बसत असतानाच समोरून दुचाकीवरून येणार्‍या दोन चोरट्यांनी या महिलेच्या गळ्यातील पोत ओरबडून नेली. ही सर्व चोरीची घटना सीसीटीव्हीत कैद झाली आहे. भरदिवसा शहरात अशा घटना घडत असल्याने नक्कीच यामुळे नागरिकांमध्ये घबराट आहे. या संदर्भात शहर पोलीस स्थानकात गुन्हा दाखल करण्यात आला असून पोलीस अधिक तपास करीत आहे.
