येवला (इंडिया दर्पण वृत्तसेवा) – शहरातील नागड दरवाजा परिसरातील रहदारीच्या रस्त्यावर मोकाट दोन वळूची झुंज सुरू झाल्याने रस्त्यावरून जाणाऱ्या नागरिकांमध्ये भीतीचे वातावरण पसरले होते. सुमारे एक तास ही झुंज सुरू असल्याने परिसरातील नागरिकांनी ती सोडवण्याचा प्रयत्न केला.
काही दिवसांपूर्वीच अशाच दोन वळूची झुंज सुरू असताना दुचाकीवरून जाणारा तरुण जखमी झाला होता. मात्र उपचारा दरम्यान काल त्याचा मृत्यू झाला. त्यामुळे रस्त्यावर जागो जागी बसलेल्या मोकाट जनावरांचा बंदोबस्त करावा अशी मागणी नागरिक करत आहे.
