येवला (इंडिया दर्पण वृत्तसेवा)- शहरातील हुडको वसाहती मधील सुलभा नगर येथे पावसामुळे रस्त्यांची दुरावस्था झाली असून या रस्त्यांवरील खड्ड्यांमध्ये चिखलाचे साम्राज्य झाले आहे. गटारीचे पाणीही रस्त्यावर आल्याने दुर्गंधीयुक्त पाण्यातून या भागातील नागरीकांना जावे लागत आहे. त्यामुळे येथील नागरिकांचा संताप आहे.
हाच संताप व्यक्त करण्यासाठी या परिसरातील महिलांनी रस्ते दुरुस्त करावे या मागणीसाठी रस्त्यांवरील खड्ड्यांना फुले वाहत आरती करत गांधीगिरी पध्दतीने आंदोलन करत प्रशासनाचे लक्ष वेधले.
