सुयश सोनवणे, इंडिया दर्पण वृत्तसेवा
येवल्यात श्री दत्त व्यायाम मंडळ व न्यू तुफान फ्रेंड सर्कल तर्फे दहीहंडी महोत्सवाचे आयोजन करण्यात आले होते. त्यात १ लाख ११ हजार रुपयांची ही हंडी फोडण्यासाठी येवला शहरातील तसेच परिसरातील पाच ते सहा गोविंदा पथकाने प्रयत्न केले. अखेर नाशिक येथील भोई राज या गोविंदा पथकाने सहा थर लावत ही हंडी फोडली. येवल्यातील शनी पटांगणावर आयोजित करण्यात आलेल्या या दहीहंडीच्या कार्यक्रमासाठी मोठी गर्दी झाली होती. सण आणि संस्कृतीची जपवणूक करणाऱ्या येवला शहरात कोविड मुळे दोन वर्षानंतर आज दहीहंडीचा जल्लोष पहावयास मिळाला.
