येवला (इंडिया दर्पण वृत्तसेवा) – गेल्या काही दिवसांपासून येवला तालुका परिसर व शहर परिसरात नारायण नाना येवले राहणार कुसमडी व त्याची साथीदार शोभा साबळे हे दोघे बंटी बबली जोडी तोतया पोलीस बनुन रस्त्यावर वाहने अडून एन्ट्री गोळा करणे, ग्रामीण भागात फेक रेड करून हप्ते व खंडणी गोळा करत होते.
सदरची तक्रार येवला तालुका पोलिसांना प्राप्त होताच पोलिसांनी सापळा रचुन मुख्य आरोपी नारायण नाना येवले याला अटक केली. त्याची साथीदार शोभा साबळे ही फरार आहे. पुढील तपास येवला तालुका पोलीस निरीक्षक संदीप मंडलिक यांच्या मार्गदर्शनाखाली सहाय्यक निरीक्षक हर्षवर्धन बहिर, पोलीस कर्मचारी नितीन पानसरे, सागर बनकर, दौलत ठोंबरे, पंकज शिंदे आधी तपास करत आहेत.
