येवला (इंडिया दर्पण वृत्तसेवा) – येवला तालुक्यातील सावरगाव येथून मनमाड रेल्वे स्थानकावर मित्राला सोडण्यासाठी जात असताना नगर- मनमाड राज्य मार्गावर हुंडाई कारचा विचित्र अपघात झाल्याची घटना आंबेवाडी येथे घडली. हुंडाई कारला अज्ञात वाहनाने मागून धडक दिल्याने हा विचित्र अपघात झाला. यात दोन जण जागीच ठार झाले असून एक जण गंभीर जखमी झाला आहे.
या अपघातातील जखमीला येवला उपजिल्हा रुग्णालयात उपचारासाठी दाखल करण्यात आले आहे आकाश रमेश पवार, निलेश दगु शेवाळे असे मृत झालेल्यांची नावे असून यात शुभम गंगाधर पानमळे हा चालक गंभीर जाखमी झाला आहे. जखमीला येवला येथील उपजिल्हा रुग्णालयात उपचारासाठी दाखल करण्यात आले आहे. अज्ञात वाहनाने हुंडाई कारला मागून जोरदार धडक दिल्याने हुंडाई कार ही हवेत उडत कोसळल्याने होंडाई कारचा अक्षरशा चक्काचूर झाला आहे. मृतदेह आणि जखमींना बाहेर काढण्यासाठी कारचा पत्रा अक्षरशा कापून बाहेर काढण्यात आले.
