मोठा खुलासा! त्या रात्री नक्की काय घडलं? भुरा पहिलवानने केला खुनाचा उलगडा

सुशिल कुमारबाबत कोणतीच माहिती नसल्याचे भुराने पोलिसांना सांगितले. घटना घडलेल्या दिवशी आपण छत्रसाल स्टेडिअमध्येच नव्हतो असे तो म्हणाला. गरज पडल्यास पुन्हा चौकशीसाठी बोलाविण्यात येईल या अटीवर भुराला पोलिसांनी चौकशीनंतर सोडले. या प्रकरणाचा तपास करणार्या पोलिस अधिकार्यांचे म्हणणे आहे. सुशिल कुमारच्या आणखी निकटवर्तीयांची लवकरच चौकशी केली जाणार आहे. सुशिल कुमारला नेहमी भेटणार्या लोकांची यादीच पोलिसांनी तयार केली आहे. त्या आधारे पोलिस संबंधितांची चौकशी करणार आहेत.

सागरच्या खूनप्रकरणी सुशिल कुमारविरोधात पुरावे असल्याने त्याला जामीन मिळणे अवघड आहे, असे जाणकारांचे म्हणणे आहे. तो स्वतःहून पोलिसांसमोर हजर झाल्यास त्याच्यासमोरील अडचणी कमी होतील. एका आठवड्यानंतरही पोलिसांना सुशिल कुमार आणि त्याच्या साथीदारांचा पत्ता लागला नाही. पाच राज्यांमध्ये पोलिस पथकांकडून त्याचा शोध घेण्यात येत आहे. पोलिसांनी सुशिल कुमारसोबतच्या १७ लोकांची यादी तयार केली आहे. त्याच आधारे सर्वांचा शोध सुरू आहे.

काय आहे प्रकरण

मंगळवारी (३ मे) छत्रसाल स्टेडिअममध्ये सुशिल आणि त्याच्या साथिदारांनी सागर आणि सोनू नावाच्या पहिलवानांना मारहाण केली होती. त्यात सागरचा मृत्यू झाला होता. तेव्हापासून सुशिल कुमार आणि साथिदार फरारी आहेत.