इंडिया दर्पण वृत्तसेवा – जगात सर्वात श्रीमंत व्यक्ती कोण याची जगभरातील नागरिकांना उत्सुकता असते. सहाजिकच या संदर्भात वेगळे वृत्त नियमित प्रसिद्ध होत असते. सध्या टेस्ला आणि स्पेसएक्स सारख्या कंपन्यांचे मालक आणि जगातील सर्वात श्रीमंत व्यक्ती एलॉन मस्क हे केवळ श्रीमंतांमध्येच आघाडीवर नाहीत, तर सर्वाधिक पगार मिळवण्याच्या बाबतीत जगातील फॉर्च्युन-500 कंपन्यांमध्येही आघाडीवर आहेत. फॉर्च्यून लिस्टनुसार, त्याला जगातील कोणत्याही कंपनीच्या सीईओपेक्षा जास्त पगार मिळतो.
फॉर्च्युन 500 च्या अहवालानुसार, 2021 मध्ये, मस्कला पगार म्हणून 23.5 अब्ज डॉलर (1.82 लाख कोटी रुपये) मिळाले आहेत. यामध्ये 2018 मध्ये जारी केलेल्या एन्कॅशिंग स्टॉक पर्यायांचा देखील समावेश आहे. ज्याची अंतिम मुदत 2021 होती. मस्कची इलेक्ट्रिक कार कंपनी टेस्ला फॉर्च्युन 500 कंपन्यांमध्ये 65 व्या क्रमांकावर आहे. कंपनीचा वार्षिक महसूल 71 टक्क्यांनी वाढून $53.8 अब्ज झाला. संपत्तीबद्दल बोलायचे तर, बिलियनेअर इंडेक्सच्या ताज्या आकडेवारीनुसार, एलोन मस्कची संपत्ती गेल्या २४ तासांत १२.२ अब्ज डॉलरने वाढून २२४ अब्ज डॉलर झाली आहे.
अॅपलचे टिम कुक हे इलॉन मस्कनंतर दुसऱ्या क्रमांकाचे सर्वाधिक मानधन घेणारे सीईओ आहेत. २०२१ मध्ये त्यांना ७७.०५ दशलक्ष डॉलर म्हणजे सुमारे सहा हजार कोटी रुपये) वेतन मिळाले. त्याचबरोबर कंपन्यांच्या यादीत अॅपल तिसऱ्या क्रमांकावर आहे. Nvidia सह-संस्थापक आणि CEO जेन्सेन हुआंग $ 507 दशलक्ष आणि Netflix सीईओ रीड हेस्टिंग्स 2021 मध्ये $ 453.5 दशलक्ष मिळवून यादीत तिसऱ्या स्थानावर आहेत.
श्रीमंत टॉप-10 बद्दल सांगायचे झाले तर मायक्रोसॉफ्टचे सीईओ सत्या नडेला यांचेही नाव यामध्ये सामील आहे. सर्वाधिक मानधन घेणाऱ्या सीईओंमध्ये नडेला सातव्या क्रमांकावर आहेत. त्यांना 2021 मध्ये 3094 दशलक्ष डॉलर्स पगार म्हणून मिळाले आहेत. नडेला गेल्या सहा वर्षांपासून बिल गेट्सच्या मायक्रोसॉफ्टचे नेतृत्व करत आहेत. इकॉनॉमिक पॉलिसी इन्स्टिट्यूटच्या अहवालात असे म्हटले आहे की सरासरी मोठ्या कंपनीचे सीईओ सरासरी कर्मचार्‍यांच्या पगाराच्या 351 पट जास्त कमावतात.
