मुंबई – पेट्रोल-डिझेलचे भाव प्रचंड वाढल्याने सध्याच्या काळात इलेक्ट्रिक स्कूटरची मागणी वाढली आहे, त्यातच नुकत्याच झालेल्या दिवाळी सारख्या सणासुदीच्या काळात इलेक्ट्रिक स्कूटरने बाजी मारली आहे. त्यामुळे भारतीय वाहन बाजार इलेक्ट्रिक स्कूटर दिशेने वेगाने वाढ होत आहे. ग्राहक इलेक्ट्रिक वाहनांकडे, विशेषत: दुचाकी वाहनांकडे आकर्षित होत आहेत. त्यामुळे ग्राहकांची ही आवड लक्षात घेऊन अनेक कंपन्या इलेक्ट्रिक स्कूटर भारतीय बाजारात आणत आहे.
आपण स्वतःसाठी नवीन इलेक्ट्रिक स्कूटर घेण्याचा विचार करत असाल तर काही दिवस म्हणजे एक आठवडाभर थांबा. कारण देशातील प्रसिद्ध बाउन्स ही कंपनी आपली नवीन इलेक्ट्रिक स्कूटर ‘बाउन्स इन्फिनिटी ‘ (Bounce Infinity) दि. २ डिसेंबर रोजी लॉन्च करणार आहे. आपण केवळ ४९९ रुपयांमध्ये प्री-बुक करू शकता. या स्कूटरचे प्री-बुकिंग लॉन्च झाल्यानंतरच सुरू होईल.
चार्जिंगचे नो टेन्शन
सदर ‘मेड इन इंडिया’ इलेक्ट्रिक स्कूटर असून प्रगत उपकरणांसोबतच इंटेलिजेंट फीचर्सही देण्यात आले आहेत. या स्कूटरची सर्वात महत्त्वाची गोष्ट म्हणजे याच्या रायडर्सना बॅटरी रेंज आणि चार्जिंगची काळजी करण्याची गरज नाही. कारण बॅटरी स्वॅपिंग सेंटर्समधून चार्ज केलेल्या बॅटरीची देवाणघेवाण करण्यात येईल. यामुळे ग्राहकांना रेंज तसेच इलेक्ट्रिक स्कूटर चार्जिंगची चिंता करावी लागणार नाही.
अशी आहे स्वॅप योजना
स्कूटर खरेदी करणाऱ्या ग्राहकांना बॅटरी आणि रेंज चार्जिंगची चिंता करावी लागू नये यासाठी कंपनी एक खास स्कीम ऑफर करणार आहे. ‘बॅटरी अॅज अ सर्विस’ असे या योजनेचे नाव आहे. यामध्ये ग्राहकांना स्कूटर खरेदी करताना बॅटरीसाठी पैसे द्यावे लागणार नाहीत. बाउन्स इन्फिनिटी स्कूटर खरेदी करणारे ग्राहक बॅटरी डिस्चार्ज झाल्यावर सदर बॅटरी स्वॅपिंग सेंटर्समधून चार्ज केलेल्या बॅटरीची देवाणघेवाण करू शकतील. यामुळे ग्राहकांना रेंज तसेच इलेक्ट्रिक स्कूटर चार्जिंगची चिंता करावी लागणार नाही.
सुमारे ५० टक्के बचत
या योजनेअंतर्गत स्कूटरच्या किमतीत सुमारे ५० टक्के कपातही केली जाणार आहे. स्कूटर चालकांना बॅटरी स्वॅप केल्यानंतरच पैसे द्यावे लागतील. कमी किमतीमुळे ‘ बाऊन्स इन्फिनिटी ‘ ही स्कूटर अधिकाधिक नागरिकांना उपलब्ध होणार आहे. ग्राहकांना बॅटरी स्वॅपिंग स्टेशन शोधण्याची चिंता करावी लागणार नाही. याची खात्री करण्यासाठी कंपनी आपल्या बॅटरी स्वॅपिंग नेटवर्कचा विस्तार करत आहे. सध्या, कंपनीकडे १७० हून अधिक ठिकाणी बॅटरी स्वॅपिंग स्टेशन आहेत. येत्या काही वर्षांत यात आणखी वाढ होणार आहे. आतापर्यंत, कंपनीच्या EV श्रेणीने २० दशलक्ष किलोमीटर व्यापले आहे. ५ लाखांहून अधिक बॅटरी स्वॅप यशस्वीपणे पार पाडल्या आहेत.
एरोडायनामिक डिझाइन, उत्कृष्ट शो
बाउन्स इन्फिनिटीचे वैशिष्ट्य म्हणजे त्याचे डिझाइन खूप एरोडायनामिक (वायुगतिकीय ) ठेवण्याचा प्रयत्न केला आहे. कंपनी या इलेक्ट्रिक स्कूटरमध्ये राउंड हेडलॅम्प, रेट्रो-स्टाईल फ्रंट फेंडर, एलसीडी इंस्ट्रुमेंटेड कन्सोल, सिंगल पीस सीट, स्पोर्टी अलॉय व्हील, मजबूत ग्रॅब रेल आणि स्लीक टेल लॅम्प देत आहे. ही ई-स्कूटर सिंगल-टोन कलर व्हेरियंटमध्ये सादर केली जाऊ शकते. कंपनी स्कूटरमध्ये हब-माउंटेड मोटर देणार आहे. यात पुढच्या बाजूला टेलिस्कोपिक सस्पेन्शन आणि मागच्या बाजूला ड्युअल सस्पेन्शन आहे. तसेच या स्कूटरला पुढे आणि मागे डिस्क ब्रेक देण्यात आले आहेत.
