मुंबई (इंडिया दर्पण वृत्तसेवा) – चित्रपटामध्ये शोभावी अशी फ्रीस्टाइल बसमध्ये जागा मिळविण्यासाठी दोन महिलांमध्ये झाल्याचा व्हिडिओ भलताच व्हायरल झाला आहे. जागा एक आणि महिला दोन. दोघींनाही जागा हवी असल्याने जुंपली आणि अक्षरश: एकमेकींचे केसं ओढेपर्यंत प्रकरण वाढले. या संपूर्ण घटनेचा व्हिडिओ अन्य एका प्रवाशाने तयार केला असून तो आता सोशल मीडियावर व्हायरल झाला आहे. जागेसाठी भांडणाऱ्या या महिला पाहून हसावे की रडावे, हेच कळत नसल्याची भावना नेटीझन्सही व्यक्त करताहेत.
बसमध्ये जागेसाठी भांडण होणे नवीन नाही. बरेचदा अशा प्रकरणात शिविगाळ, हातापायीपर्यंत प्रकरण पोहचते. तसाच काहीसा प्रकार या व्हिडिओच्या माध्यमातून पुढे आला आहे. या व्हिडीओमध्ये एका सार्वजनिक बसमध्ये बसण्यावरून वाद सुरू आहेत. बसमध्ये एकाच सीटवरून हा वाद सुरु आहे. एका सीटवर दोन बायका बसलेल्या आहेत. त्यातली एक महिला दुसऱ्या महिलेच्या मांडीवर बसलेली आहे. त्या दोन्ही महिला इतक्या जोरजोरात भांडल्यात की बास. भांडताना त्यांनी एकमेकीचे केसदेखील ओढलेत. एकमेकींच्या अंगावर धावून गेल्यात. दरम्यान, बसमधीलच एका सुज्ञ प्रवाशाने त्या दोन महिलांचे भांडण थांबवायचा प्रयत्न केला. मात्र, हार मानेल ती नारीशक्ती कसली. त्या पुरुषाच्या मध्यस्थीनंतरही दोघींचे भांडण काही केल्या थांबले नाही.
व्हिडिओला मिळाल्या शेकडो लाइक्स
दोन महिलांमधील भांडणाच्या या व्हिडिओने नेटीझन्सचे चांगलेच मनोरंजन केले आहे. व्हिडिओ क्लिप शेअर केल्यापासून या क्लिपला एक लाखाहून अधिक व्ह्यूज मिळाले आहेत. या क्लिपवर अनेकांनी प्रतिक्रियाही दिल्या आहेत.
Two women freestyle to get a seat on the bus
Women Fight in City Bus Seat Sharing Video Viral Delhi
