नाशकातील सर्व दुकाने उद्यापासून उघडणार?

विशेष प्रतिनिधी, नाशिक  

कोरोना संसर्ग प्रादुर्भावामुळे नाशिक शहरासह जिल्ह्यात लागू करण्यात आलेला कडक लॉकडाऊन आज संपुष्टात येत आहे. त्यामुळे उद्यापासून सर्व दुकाने सुरू होणार का असा प्रश्न उपस्थित केला जात आहे.

‘ब्रेक द चेन’ च्या अंतर्गत राज्य शासनाने कडक निर्बंधांचे आदेश जारी केलेले आहे. या शासन आदेशाची प्रभावी अंमलबजावणी होण्यासाठी व नागरिकांच्या विनाकारण फिरण्यावर आळा घालण्यात आला आहे. तसेच, राज्य सरकारने येत्या १ जून पर्यंत राज्यामध्ये कलम १४४ लागू केले आहे. नाशिकमधील क़क लॉकडाऊन संपल्यानंतर राज्य सरकारने लागू केलेले आदेश पूर्वीप्रमाणे लागू होणार आहेत.

असे असतील निर्बंध

◼️ जीवनाश्यक वस्तूंची सर्व दुकाने, आस्थापना सकाळी ७ ते सकाळी ११ या वेळेत सुरु राहतील.

◼️ मेडीकल, वैद्यकीय आस्थापना २४ तास सेवा पुरवू शकतील.

◼️ दूध विक्रीसाठी सकाळी आणि सायंकाळी मुभा असेल

◼️ भाजीपाला विक्री करता येईल. त्यासाठी सकाळीच परवानगी असेल

◼️ पावसाळी पूर्व आणि पूर्व हंगामी शेती क्षेत्रातील कामे सुरु ठेवणे आवश्यक असल्यामुळे शेती निविष्ठा आणि अवजारे यांच्या आस्थापना सकाळच्या सुमारास सुरु असतील .

◼️ अत्यावश्यक सेवेतील वाहतूक व्यवस्था, सार्वजनिक आणि खाजगी वाहतूक व्यवस्था सुरु ठेवण्यात आली असल्यामुळे या क्षेत्राचे निगडीत टायर विक्री, रिपेअर वर्कशॉप, सर्विस सेंटर आणि स्पेअरपार्ट विक्री आस्थापना या सकाळी ७ ते ११ या वेळेत वेळेत सुरु राहतील. त्यासाठी  त्यांना संबंधित पोलीस स्टेशनची परवानगी आवश्यक असणार आहे. मात्र वाशिंग सेंटर आणि कार डेकोर इतर संबंधित आस्थापना बंद असणार आहेत.

◼️ जिल्ह्यातील सर्व कषी उत्पन्न बाजार समित्यांमधील व्यवहार पूर्वीप्रमाणे सुरू होतील

अधिक माहितीसाठी बघा हा व्हिडिओ