तुम्हाला माहित आहे का? जीन्स पॅन्टला छोटा खिसा का असतो?

विशेष प्रतिनिधी, पुणे

तरुणांना विचारले तर ते सांगतील की सध्याचा जमाना हा जिन्सचा आहे. आकर्षक आणि फॅशनेबल कपडे घालणे हे बहुतांश लोकांना आवडते. त्यातच तरुणांमध्ये तर जीन्स पॅन्टचे मोठे आकर्षण असते. परंतु जीन्स पॅन्टला मोठ्या खिशाबरोबर एक छोटा खिसा देखील असतो, नेमका हा खिसा कशासाठी असतो, हे आपण आज जाणून घेणार आहोत….

जगभरात सुमारे ७० वर्षांपूर्वी निळ्या सूती कापड्याच्या विजारीची म्हणजेच जीन्स पॅन्टची फॅशन युरोप आणि अमेरिकेच्या बाहेर कधीच नव्हती. कदाचित आपल्या देशात त्याकाळी कधीच नसेल. वास्तविक हा प्रत्येक प्रसंगाला अनुरुप असा ड्रेस आहे. कोणत्याही प्रकारच्या कपड्यांशी जुळवून तुम्ही जीन्स पँट घालू शकता. या सर्व कारणांमुळे, आज लोक मोठ्या प्रमाणात जीन्स घालत आहेत. त्यामुळेच असे म्हटले जाते की, जीन्स हे पृथ्वीवरील सर्वात परिधान केला जाणारा कपडा आहे.

     एक काळ असा होता की, केवळ कंपन्यांमध्ये काम करणारे कामगार निळ्या सुती कापड्याच्या विजारी म्हणजे जीन्स घालायचे. पण आज अबालवृद्धांची नव्हे प्रत्येकाची जिन्स ही पहिली पसंती आहे.  तसेच जीन्स पॅन्ट पाहून एक प्रश्नही पडतो की, त्याच्या समोरच्या खिशात एक छोटा खिसा का आहे? कारण त्या काळी खाणीत काम करणाऱ्या कामगारांसाठी ही छोटी पॉकेट शोधण्यात आली होती. त्या काळात पॉकेट वॉचचा ट्रेंड होता. अशा परिस्थितीत कामगार या लहान खिशात घड्याळ ठेवत असत. जेणेकरून ते तुटू नये.  त्यानंतर हळूहळू हा लहान खिसा जीन्सचा एक महत्त्वाचा भाग बनला.

      जीन्स निर्माता लेव्ही स्ट्रॉस, ज्याला आपण लेव्ही म्हणून ओळखतो, त्याने सर्वात पहिले हा लहान खिसा तयार केला. या छोट्या खिश्याला वॉच पॉकेट असे म्हणतात. तथापि, आता काही लोक त्याला नाणे खिसा किंवा तिकीट खिसा म्हणून ओळखतात. पॅन्टच्या या छोट्या खिशाला जाणिवपूर्वक छोटे बटणही बसविलेले असते. कारण, कामगारांच्या कामाची पद्धत लक्षात घेऊन. कारण त्या काळी मजूर वजनदार काम करायचे. खिशात जड वस्तू किंवा खिळे ठेवायचे म्हणून खिशाला लहान बटणे लावली गेली, जेणेकरून बराच काळ ते वापरली जाऊ शकतील.  तथापि, ही लहान बटणे आता जीन्सचे डिझाइन मानली जात आहेत.