इंडिया दर्पण ऑनलाईन डेस्क – क्रिकेट आणि बॉलीवूड हे दोन्ही परस्परांशी जोडलेले असते. अभिनेत्री अनुष्का शर्मा आणि भारतीय क्रिकेट संघाचा माजी कर्णधार विराट कोहली ही जोडी कायमच सर्वांची फेव्हरेट राहिली आहे. लग्नानंतर विराट आणि अनुष्का हे आपल्या कामात व्यस्त असतानाही आपल्या नात्याला वेळ देताना आपण पाहिले आहे. नात्यासाठी आवश्यक असलेला क्वालिटी टाईम देत ते एकमेकांची साथ निभावण्याचा प्रयत्न करताना दिसतात. या दोघांना एक क्युटशी मुलगी देखील आहे. लग्नाला ५ वर्ष पूर्ण झाल्यानंतर अनुष्का आपल्या या नात्याबद्दल मनमोकळेपणाने बोलली आहे.
बॉलिवूड अभिनेत्री अनुष्का शर्मा आणि भारतीय क्रिकेट संघाचा माजी कर्णधार विराट कोहली हे दोघेही ५ वर्षापूर्वी विवाहबंधनात अडकले. त्या दोघांचा विवाहसोहळा ११ डिसेंबर २०१७ रोजी पार पडला होता. त्यापूर्वी ते दोघेही अनेक वर्षे एकमेकांना डेट करत होते. दरम्यान, २०१६ मध्ये दोघांचे ब्रेकअप झाल्याच्या चर्चा रंगल्या होत्या. त्यानंतर दोघांनी लग्न करण्याचा निर्णय घेतला.
इटलीतील टस्कनी येथील बोर्गो फिनोशिटो रिसॉर्टमध्ये ते लग्नबंधनात अडकले. आज त्यांना वामिका नावाची एक मुलगीदेखील आहे. नुकतंच अनुष्काने एका मुलाखतीत आपलं मन मोकळं केलं आहे. करिअर स्थिरावत असताना घेतलेल्या लग्नाच्या निर्णयाचं तिने समर्थन केलं. सध्याच्या प्रेक्षकांचा अभिनेत्रींकडे पाहण्याचा दृष्टीकोन खूप वेगळा आणि अधिक प्रगल्भ आहे, असं अनुष्का सांगते. अनेक प्रेक्षकांना फक्त कलाकारांना पडद्यावर पाहण्यातच रस असतो. त्यांना तुमच्या वैयक्तिक आयुष्याशी काहीही देणंघेणं नसतं. तुम्ही विवाहित असाल किंवा तुम्ही आई असाल, याने त्यांना काही फरक पडत नाही. मला देखील माझ्या करिअरमध्ये या गोष्टींचा अडथळा नको होता. त्यामुळेच मी २९ व्या वर्षी लग्न केले. पण अभिनेत्रींसाठी ते तरुण वयातच होते. त्यावेळी मी विराटच्या प्रेमात वेडी झाले होते म्हणून लग्नाचा निर्णय घेतला. आणि आजही त्याच्या प्रेमात वेडीच आहे, असे अनुष्का सांगते.
दरम्यान, २०१८ मध्ये आनंद एल राय दिग्दर्शित ‘झिरो’ चित्रपटात अनुष्का दिसली होती. या चित्रपटानंतर अनुष्काने कोणताही चित्रपट साईन केला नाही. तर तिच्या प्रॉडक्शन हाऊस अंतर्गत अनेक चित्रपट आणि मालिकांची निर्मिती करत होती. पण गरोदरपणा आणि मुलगी वामिकाच्या जन्मानंतर अनुष्काने यातून ब्रेक घेतला. यानंतर तब्बल ४ वर्षांनी अनुष्का ही ‘चकदा एक्सप्रेस’ चित्रपटाद्वारे बॉलिवूडमध्ये कमबॅक करत आहे.
Why got Married before 30 age Actress Anushka Sharma Says
Entertainment Bollywood
