इंडिया दर्पण ऑनलाईन डेस्क – जागतिक आरोग्य संघटनेने भारतातील मेडेन फार्मास्युटिकल्सद्वारे बनवलेल्या खोकला आणि सर्दीच्या चार औषधांबाबत अलर्ट जारी केला आहे. जागतिक आरोग्य संघटनेने या औषधाला किडनीच्या दुखापतींशी आणि गाम्बियामधील ६६ मुलांच्या मृत्यूशी जोडले आहे. त्यामुळेच अलर्ट जारी करण्यात आला आहे.
रॉयटर्सने जागतिक आरोग्य संघटनेच्या आधाराने सांगितले की, “कंपनी आणि नियामक प्राधिकरणांसोबत पुढील तपास केला जात आहे. चार उत्पादनांपैकी प्रत्येकाच्या नमुन्यांच्या प्रयोगशाळेतील विश्लेषणाने पुष्टी केली की त्यामध्ये डायथिलीन ग्लायकोल आणि इथिलीन ग्लायकोलची अस्वीकार्य मात्रा आहे.” तसेच जागतिक आरोग्य संघटनेने वैद्यकीय उत्पादनाच्या अलर्टमध्ये म्हटले आहे. तसेच, जागतिक आरोग्य संघटनेचे महासंचालक डॉ. टेड्रोस गेबरेएसस यांनी सांगितले की, जागतिक आरोग्य संघटनेने आज गाम्बियामध्ये गंभीर मूत्रपिंडाच्या दुखापती आणि मुलांमधील ६६ मृत्यूंशी संबंधित असलेल्या चार दूषित औषधांसाठी वैद्यकीय उत्पादन अलर्ट जारी केला आहे.
या मुलांच्या मृत्यूने त्यांच्या कुटुंबीयांना मोठा धक्का बसला आहे. पुढे ते म्हणाले की, ही चार औषधे भारतातील मेडेन फार्मास्युटिकल्स लिमिटेडद्वारे उत्पादित खोकला आणि सर्दीची आहेत. जागतिक आरोग्य संघटना भारतातील संबंधित कंपनी आणि नियामक प्राधिकरणांसह पुढील तपास करत आहे. दूषित उत्पादने आतापर्यंत फक्त गाम्बियामध्ये आढळली आहेत. इतर देशांमध्येदेखील ही औषधे वितरित करण्यात आल्याची शक्यता आहे. तसेच, जागतिक आरोग्य संघटना सर्व देशांतील रूग्णांना आणखी नुकसान टाळण्यासाठी ही उत्पादने शोधून ती हटविण्याची शिफारस करत आहे. या औषधांपासून आणखी कोणाला दुखापत होऊ नये याची काळजी घेतली जात आहे.
WHO Alert Indian Cough Syrup 66 Child Death
Health Medicine
