मुंबई (इंडिया दर्पण वृत्तसेवा) – अभिनेत्री प्रियंका चोप्रा चित्रपटाच्या निमित्ताने चर्चेत असते. वेगवेगळ्या चित्रपटात जशा तिच्या भूमिका गाजल्या, तशा खऱ्या आयुष्यातही तिने धमाल मस्ती केली आहे. प्रियंकाचा एका मुलाखतीचा व्हिडिओ व्हायरल होत आहे. ज्येष्ठ अभिनेत्री सिमी गरेवाल यांना तिने मुलाखत दिली होती. या व्हिडिओमध्ये सिमी गरेवाल यांनी इंस्टाग्रामवर स्वतः शेअर केला आहे. यामध्ये त्या प्रियंकाची मुलाखत घेत आहेत.
सिमी गरेवाल या प्रियंका चोप्राशी अभिनेता अभिषेक बच्चनशी संबंधांबाबत बोलताना दिसत आहे. प्रियंका तेव्हा आपल्या चित्रपटाचे प्रमोशन करायला आली होती. या चित्रपटात तिच्याशिवाय अभिषेक बच्चनची महत्त्वाची भूमिका आहे. प्रियंका चोप्राने अभिषेक बच्चनला वेडा म्हणून संबोधताना दिसत आहे. प्रियंकाने एक घटना आठवताना सांगितले, की तिने अभिषेक बच्चन याचा फोन चोरला होता. त्यानंतर तिने राणी मुखर्जीला “आय मिस यू, तुम्ही कुठे आहात”, असे मेसेज पाठवले होते.
प्रियंकाच्या स्पष्टीकरणानंतर राणी मुखर्जीने यावर प्रतिक्रिया दिली होती याची माहिती मिळाली होती. राणी मुखर्जी म्हणाली होती की, “तुम्ही ठीक आहात ना”? ही गोष्ट तुम्हाला कोणी सांगितले, असे प्रियंका सिमी गरेवाल यांना विचारत राहिली. त्यावर सिमी गरेवाल म्हणाल्या की, “मी चित्रपटसृष्टीत अनेक जणांना ओळखते”. प्रियंकाला वाटले की ही गोष्ट अभिषेकने स्वतः त्यांना सांगितली. दोघांचा हा व्हिडिओ अनेक जणांना आवडला आहे.
प्रियंका चोप्राने अभिषेक बच्चनसोबत ब्लफ मास्टर चित्रपटात काम केले आहे. तर राणी मुखर्जीने अभिषेकसोबत युवा, बस इतना सा ख्वाब है, हम तुम, बंटी और बबली या चित्रपटात काम केले आहे. प्रियंका चोप्राने अनेक चित्रपटात काम केले आहे. अभिषेक बच्चन बॉब बिस्वासमध्ये दिसला होता.
