WhatsAppने दिली ही गुडन्यूज; येणार हे नवे फिचर

नवी दिल्ली – स्मार्टफोन आणि त्यातही WhatsApp या मेसेजिंग ऍपशिवाय आजकाल कोणाचे पानही हलत नाही. WhatsAppमध्ये आपले अनेक महत्त्वाचे, कामाचे किंवा जवळच्यांचे चॅट्स असतात. जे अनेकदा आपल्याला जपायचे असतात. पण, फोन बदलताना त्याची अडचण होऊ शकते. ऑपरेटिंग सिस्टीम वेगळी असेल, तर हा त्रास अधिक जाणवू शकतो. WhatsApp सध्या एका फीचरचे टेस्टिंग करत असून याअंतर्गत अँड्रॉईड फोनमधील चॅट्स आयओएस (ios) सिस्टीम असलेल्या फोनमध्ये घेणे शक्य होणार आहे.

मेसेजिंग ऍप WhatsApp नेहमीच आपल्या युझर्ससाठी काही ना काही नवीन फीचर आणत असते. ऍप वापरताना युझर्सची कसलीही गैरसोय होणार नाही, यासाठी ते खबरदारी घेत असतात. याचअंतर्गत लवकरच वेगळ्या ऑपरेटिंग सिस्टीमवर आपले चॅट ट्रान्स्फर करण्याचे फीचर प्रत्यक्षात येणार आहे.

wabetainfo च्या माहितीनुसार, चॅट हिस्ट्री मायग्रेशन असे या फीचरचे नाव आहे. सध्या हे प्राथमिक पातळीवर असून त्याचे टेस्टिंग सुरू आहे. जे अँड्रॉईड सिस्टीम सोडून आयओएस सिस्टीम स्वीकारणार आहेत, अशा लोकांसाठी प्रामुख्याने हे फीचर आणले जात आहे.

सामान्यपणे जेव्हा तुम्ही अँड्रॉईड सिस्टीमवरून आयओएस सिस्टीम असलेला फोन घेता, तेव्हा WhatsAppची चॅट हिस्ट्री आपोआप गायब होते. यामुळे तुमचे अनेक महत्त्वाचे चॅट जाऊ शकतात. हे टाळण्यासाठी तुम्हाला बॅकअप घ्यावा लागतो किंवा मग थर्ड पार्टी ऍपची मदत घ्यावी लागते. पण आता असे होणार नाही. चॅट हिस्ट्री मायग्रेशन फीचर आल्यानंतर तुम्हाला WhatsApp अपडेट करावे लागेल. ज्यात तुम्हाला चॅट ट्रान्स्फरचा पर्याय मिळेल. आणि मग तुम्ही तुचे चॅट्स आरामात ट्रान्स्फर करू शकाल.