नवी दिल्ली – व्हॉट्सअ‍ॅपने एक नवीन डेटा पॉलिसी लागू केली असल्याने त्याची जगभर चर्चा आहे. या पॉलिसी संदर्भात अनेक प्रश्न उपस्थित होत आहेत. त्यासंबंधी आपण माहिती घेणार आहोत.
वास्तविक व्हॉट्सअ‍ॅप हे फेसबुक ग्रुपची सहाय्यक कंपनी आहे. तर इंस्टाग्राम ही व्हॉट्सअ‍ॅपची सहाय्यक कंपनी आहे. अशा परिस्थितीत व्हॉट्सअ‍ॅप वापरकर्त्याची माहिती त्याच्या सर्व सहाय्यक कंपन्यांसह सामायिक करेल. तसेच काही अन्य (थर्ड पार्टी) अॅप्स देखील व्हॉट्सअ‍ॅप यूजरचा डेटाही शेअर करतील. यात क्रॉड टँगल, ओनावो आणि काही ऑनलाइन पेमेंट सेवांचा समावेश आहे.
या संदर्भात व्हॉट्सअ‍ॅप कंपनीचे अधिकारी म्हणतात की, अॅप वापर करणाऱ्या मोबाईल ग्राहकांनी एकतर आपली माहिती सामायिक करावी किंवा खाते हटवावे. तरीही, वापरकर्त्यांची माहिती काय आहे, व्हॉट्सअ‍ॅप वापरकर्त्यांकडून ती माहिती कोणाला पाहिजे आहे, याची स्पष्टता नाही. त्यामुळे आपल्याला घाबरून जाण्याची आवश्यकता आहे.
परंतु याचा एक पैलू असाही आहे की, विनामूल्य अॅप्स खरोखरच विनामूल्य नाहीत, तर अप्रत्यक्षपणे आपल्या डेटामधून कंपनी पैसे कमवू शकतात, कारण ग्राहक आपला डेटा सुरक्षित ठेवू इच्छित असल्यास त्याचे पैसे द्यावे. अशा परिस्थितीत, त्या वापरकर्त्यांच्या व्हॉट्सअॅपद्वारे कोणत्या डेटामध्ये प्रवेश केला जातो आणि कोणाबरोबर हा डेटा सामायिक करतो हे जाणून घेण्याची गरज आहे. डेटाच्या आधारे कंपनीला मोठी कमाई होते. तसेच फेसबुक कंपनी आपल्या सहाय्यक व्हॉट्सअ‍ॅपच्या डेटावर मोठ्या प्रमाणात कमाई करते.
ग्राहकाचा मोबाईल नंबर, बँकेचे डिटेल्स, डिव्हाईस लोकेशन, डिव्हाईस आयडी, ट्रान्झॅक्शन आयडी, पर्सनल चॅट, व्हिडिओ इमेज, कॉल रेकॉर्डिंग हे सर्व व्हॉट्सअ‍ॅपला उपलब्ध होते. आणि हाच डाटा फेसबुकसह अन्य कंपन्यांना दिला जात आहे. यापुढे तो व्यावसायिक पद्धतीने दिला जाणार आहे.
