विशेष प्रतिनिधी, नवी दिल्ली
केंद्र सरकारने विविध कर अनुपालनांसाठी नुकतीच मुदतवाढ दिली आहे. यामध्ये फॉर्म 16 देखील समाविष्ट आहे, तो कंपनी मालकाद्वारे 31 जुलैपर्यंत सादर करणे आवश्यक आहे. प्राप्तिकरासंदर्भात सरकारने या कामांची तारीख वाढविली आहे, त्यामुळे करदात्यांना कोरोना साथीच्या काळात थोडा वेळ मिळू शकेल. कर्मचार्‍यांना फॉर्म 16 च्या स्वरुपात टीडीएस प्रमाणपत्र देण्याची कंपनी मालकांना 15 जुलै 2021 ते 31 जुलै 2021 पर्यंत मुदत दिली आहे.
केंद्रीय प्रत्यक्ष कर मंडळाने (सीबीडीटी) एका निवेदनात म्हटले आहे की, कोवीड -१९ या साथीचा रोगाचा सर्वत्र होणाऱ्या वाईट परिणामामुळे करदात्यांना काही कर अनुपालन पूर्ण करण्यात आणि विविध सूचनांवर जबाब नोंदविण्यात गैरसोयीचा सामना करावा लागत आहे. या कठीण काळात करदात्यांचा अनुपालन ओझे कमी करण्यासाठी दिलासा दिला जात आहे.
फॉर्म -16 एक टीडीएस प्रमाणपत्र असून ते आपल्या सर्व करपात्र उत्पन्नाची यादी करते आणि स्त्रोत (टीडीएस) वजा केलेल्या विविध करांची यादी करते. आयकर रिटर्न (आयटीआर) भरण्यासाठी हे सर्वात आवश्यक कागदपत्रांपैकी एक आहे. हे नियोक्ताद्वारे त्याच्या कर्मचार्‍यांना दिले जाणारे प्रमाणपत्र आहे. कर्मचार्‍यांच्या वतीने टीडीएस वजा करून अधिकाऱ्याकडे जमा केले गेले आहेत याची खात्री पटते. तसेच फॉर्म -16 नियोक्ताद्वारे जारी केला जातो आणि त्यामध्ये आपली कर परतावा भरण्यासाठी आवश्यक असलेली माहिती असते. फॉर्म 16 मध्ये भाग अ आणि भाग बी असे दोन भाग आहेत.
आयकर रिटर्न भरण्यासाठी फॉर्म -16 महत्त्वपूर्ण आहे, परंतु आयटीआर भरण्यासाठी फॉर्म 16 आवश्यक आहे, असे नाही. आपल्याकडे फॉर्म -16 नसेल तर आपल्याला काळजी करण्याची गरज नाही. आपण फॉर्म -16 शिवाय आयटीआर देखील दाखल करू शकता. आपण आपला फॉर्म -16 गमावल्यास आपल्या नियोक्त्याकडून डुप्लिकेटची विनंती करू शकता. आपण एखाद्या आर्थिक वर्षात आपली नोकरी बदलल्यास प्रत्येक नियोक्ता रोजगाराच्या कालावधीसाठी फॉर्म -16 चा स्वतंत्र भाग-ए जारी करू शकतो.
