नवी दिल्ली (इंडिया दर्पण वृत्तसेवा)- आज उपराष्ट्रपतीपदासाठी मतदान होणार आहे. या निवडणुकीत एनडीएकडून सीपी राधाकृष्णन तर इंडिया आघाडी व विरोधी पक्षाकडून माजी सर्वोच्च न्यायालयाचे न्यायाधीश बी. सुदर्शन रेड्डी हे दोन्ही निवडणुकीच्या रिंगणात आहे. या निवडणुकीसाठी एनडीएकडून खासदार शिवसेना शिंदे गटाचे खासदार डॅा. श्रीकांत शिंदे यांच्यावर मोठी जबाबदारी सोपवण्यात आली आहे. त्यांची उमेदवार प्रतिनिधी म्हणून नियुक्ती करण्यात आली आहे.
संसदेच्या दोन्ही सभागृहांचे मिळून ७८१ सदस्य या निवडणुकीत मतदान करतील. लोकसभेचे ५४२ आणि राज्यसभेचे २३९ सदस्य मिळून ७८१ सदस्य उपराष्ट्रपतीपदासाठी मतदान करणार आहेत. विजयासाठी ३९१ मतांची आवश्यकता आहे. दरम्यान, या निवडणुकीत मतदान न करायचा निर्णय बिजू जनता दल आणि भारत राष्ट्र समिती या दोन पक्षांनी घेतला आहे.
या निवडणुकीत वायएसआर काँग्रेस आणि आपने बी. सुदर्शन रेड्डी पाठिंबा दिला आहे. विरोधी पक्षांनी एनडीए आणि इंडिया अलायन्समधील राजकीय आणि वैचारिक स्पर्धा असल्याचे म्हटले आहे. तर काँग्रेस खासदार केसी वेणुगोपाल यांनी ही एक वैचारिक लढाई आहे. देशाला जगदीप धनखड यांच्या राजीनाम्यामागील कारण माहित नाही. एकीकडे, आपण संवैधानिक अधिकारांसाठी लढत आहोत. हा देश मोठ्या वैचारिक समस्यांना तोंड देत आहे. आपण संविधान वाचवण्यासाठी लढत आहोत.
