पुणे – व्होडा-आयडिया कंपनीने प्रीपेड प्लॅनच्या किमती वाढवून ग्राहकांना मोठा झटका दिला आहे. टॅरिफ प्लॅनमध्ये 500 रुपयांपर्यंत वाढ केल्यामुळे ग्राहकांचा आर्थिक फटका बसणार आहे. व्होडा-आयडियाला (Vi) ने आपला रिचार्ज प्लॅन महाग केला आहे. कंपनीने रिचार्ज प्लॅनचे नवीन दर लागू केले आहेत. इतकेच नव्हे तर Vi कंपनीने आता आणखी एक निर्णय घेतला आहे, त्यामुळे ग्राहकांना मोठा धक्का बसणार आहे.
व्होडा-आयडियाला (Vi) ने या वर्षाच्या सुरुवातीला ग्राहकांना त्याच्या काही प्रीपेड प्लॅनसह दुहेरी डेटा लाभ दिला होता. त्यामुळे घरून काम करणाऱ्या, ऑनलाइन गेमिंग किंवा व्हिडिओ स्ट्रीमिंग करणाऱ्या अशा वापरकर्त्यांसाठी हा फायदा खूप फायदेशीर ठरला. या प्लॅनमध्ये अमर्यादित व्हॉइस कॉल, 100 एसएमएस आणि इतर लाभांसह दुहेरी डेटा देण्यात आला आहे. पण आता कंपनीने या 299 रुपये, 449 रुपये आणि 699 रुपयांच्या प्लॅनवर दुहेरी डेटा लाभ देणे बंद केले आहे.
मोबाईल प्लॅन वापरकर्त्यांना यापुढे दररोज 4GB डेटाऐवजी 2GB डेटा मिळेल. आत्तापर्यंत, Vi ने दुहेरी डेटा लाभ बंद केल्याबद्दल कोणतीही स्पष्टता दिलेली नाही. Vi टॅरिफ प्लॅनने किमती 25 टक्क्यांपर्यंत वाढवल्यानंतर लगेचच ही घोषणा झाली. या आठवड्याच्या सुरुवातीला, व्हीआय कंपनीने या प्रीपेड योजनांवर दर वाढीची घोषणा केली. त्यानंतर नवीन किमती काल, दि. 25 नोव्हेंबरपासून लागू झाल्या. या कंपनीच्या प्लॅन्सच्या नवीन किंमती आणि फायदे असे आहेत.
359 रुपयांचा प्लॅन
Vi च्या 299 रुपयांच्या प्रीपेड प्लॅनची किंमत आता 359 रुपये आहे. तसेच हा दररोज 2GB डेटा, भारतातील कोणत्याही नेटवर्कवर अमर्यादित व्हॉइस कॉलिंग आणि 28 दिवसांच्या कालावधीसाठी दररोज 100 एसएमएससह देण्यात येतो. तसेच, प्लॅनसह सदस्यांना Vi Movies आणि TV चे फायदे मिळतील.
539 रुपयांचा प्लॅन
Vi च्या 449 रुपयांच्या प्रीपेड प्लॅनची किंमत आता 539 रुपये आहे. हे ग्राहकांना 56 दिवसांच्या वैधतेसाठी दररोज 2GB डेटा, अमर्यादित व्हॉइस कॉलिंग आणि 100 SMS प्रतिदिन ऑफर करते. वापरकर्त्यांना Vi Movies आणि TV चे मोफत OTT सबस्क्रिप्शन देखील मिळते.
839 रुपयांचा प्लॅन
Vi च्या 699 रुपयांच्या प्लानची किंमत आता 839 रुपये आहे. या कंपनीचा हा शेवटचा मोठा प्रीपेड प्लान असून त्यावर कंपनीने दुहेरी डेटा लाभ देणे बंद केले आहे. कंपनी ग्राहकांना 84 दिवसांच्या वैधतेसाठी दररोज 2GB डेटा, अमर्यादित व्हॉइस कॉलिंग आणि दररोज 100 SMS सारखे फायदे देते. तसेच इतर योजनांप्रमाणे, यात Vi Movies आणि TV साठी मोफत OTT सदस्यता देखील देण्यात येते.
