नागपूर (इंडिया दर्पण वृतसेवा) – मोबाईलचा प्रचंड वापर वाढला असून धावपळीच्या दैनंदिन जीवनात अनेक जण मोबाईलवरच क्रिकेट सामने आणि चित्रपट बघण्याचा आनंद घेतात त्यातच आता आयपीएल हंगाम सुरू झाला असून अशा परिस्थितीत टेलिकॉम कंपन्या नवीन डिस्ने प्लस हॉटस्टार योजना घेऊन येत आहेत.
Reliance Jio नंतर, आता Vodafone-idea ने देखील आपल्या ग्राहकांसाठी दोन नवीन प्रीपेड प्लॅन सादर केले आहेत, यामध्ये Disney Plus Hotstar सबस्क्रिप्शन मोफत उपलब्ध असेल.
Vodafone Idea ची डिस्ने प्लस हॉटस्टार प्रीपेड योजना : Vodafone-Idea चा पहिला प्लान ₹ 499 चा आहे. यामध्ये ग्राहकांना दररोज 2GB डेटा दिला जाईल. प्लॅनची वैधता 28 दिवसांची आहे. यामध्ये तुम्हाला डिस्ने प्लस हॉटस्टार मोबाईल सबस्क्रिप्शन 1 वर्षासाठी, अमर्यादित व्हॉईस कॉलिंग आणि 100 एसएमएस दररोज दिले जात आहेत.
सदर कंपनीने ऑफर केलेल्या दुसऱ्या प्लानची किंमत 1066 रुपये आहे. यामध्ये दररोज 2GB डेटा दिला जातो, परंतु या प्लानची वैधता 84 दिवसांची आहे. 499 रुपयांच्या प्लॅन प्रमाणे, Disney Plus Hotstar मोबाईल सबस्क्रिप्शन 1 वर्षासाठी अमर्यादित व्हॉईस कॉलिंग आणि 100 SMS दररोज दिले जात आहे. या दोन्ही योजनांमध्ये Binge All Night, Weekend Data Rollover आणि Data Delight सारख्या वैशिष्ट्यांसह येतात.
यापूर्वी, कंपनीकडे 601 रुपये, 901 रुपये आणि 3099 रुपयांचे असे 3 प्लॅन होते, जे Disney प्लस Hotstar अॅक्सेससह आले होते. या प्लॅनमध्ये अनुक्रमे 28 दिवस, 70 दिवस आणि 365 दिवसांची वैधता देण्यात आली आहे. 601 रुपयांच्या प्लॅनमध्ये दररोज 3GB डेटासह 16GB अतिरिक्त डेटा दिला जात आहे. त्याच वेळी, 901 रुपयांच्या प्लॅनमध्ये दररोज 3 GB डेटासह 48GB अतिरिक्त डेटा उपलब्ध आहे. तर 3999 रुपयांच्या प्लॅनमध्ये वापरकर्त्यांना दररोज फक्त 1.5 GB डेटा मिळतो.
