पाकिस्तान विरुद्धच्या सामन्यासाठी विराटने बदलली होती बॅट; त्यानेच सांगितले हे खास कारण

इंडिया दर्पण ऑनलाईन डेस्क – टीम इंडियाने पाकिस्तान क्रिकेट संघावर शेवटच्या चेंडूवर चार विकेट्स राखून विजय मिळवला. स्टार फलंदाज विराट कोहलीने २३ ऑक्टोबर रोजी मेलबर्न क्रिकेट मैदानावर T20 विश्वचषक २०२२ गट-२ सामन्यात भारतासाठी नाबाद ८२ धावा केल्या. विराटने ५३ चेंडूत सहा चौकार आणि चार षटकार मारले होते. त्यापैकी १९व्या षटकातील शेवटच्या दोन चेंडूंवर त्याने दोन षटकार ठोकले. हरिस रौफची गणना पाकिस्तानच्या सर्वात धोकादायक वेगवान गोलंदाजांमध्ये होऊ लागली आहे आणि विराटने रौफविरुद्ध ज्या प्रकारे षटकार ठोकले, ते सर्वजण पाहतच राहिले.

मॅचनंतर विराट कोहलीने रवी शास्त्रीसोबत या खेळीबद्दल बोलले तेव्हा त्याने बॅट बदलल्याचे सांगितले. हार्दिक पांड्या आणि रन रेट वाढवण्याची त्याची योजना कशी आहे, असा प्रश्न विराटला विचारण्यात आला तेव्हा विराट म्हणाला की, आम्ही बोलून हा निर्णय घेतला आहे.

विराट म्हणाला, ‘आम्ही सुरुवातीला गॅपमध्ये खेळण्याची योजना आखली होती. ज्यामुळे थोडा घाबरतो आणि तो क्षेत्ररक्षकांना आत आणतो, दोन धावा घेतो आणि नंतर त्याच्या डोक्यावर शॉट खेळतो. जेव्हा अशी परिस्थिती येते तेव्हा तुम्हाला मोठे फटके मारावे लागतात. मी माझी बॅट बदलली, मी हलक्या बॅटने खेळत होतो, त्यांचे तिन्ही वेगवान गोलंदाज सुमारे १४५ किमी प्रतितास वेगाने गोलंदाजी करतात.

https://twitter.com/StarSportsIndia/status/1584855263869370369?s=20&t=ATjLrbm3Vd204MMhkn7J2Q

Virat Kohli Change Bat for Pakistan Match