मुंबई (इंडिया दर्पण वृत्तसेवा) – शिवसंग्राम पक्षाचे अध्यक्ष व माजी आमदार विनायक मेटे (वय ६२) यांचे रविवारी पहाटे अपघाती निधन झाले. मुंबई-पुणे द्रुतगती महामार्गावरील भातण बोगद्याजवळ मेटे यांच्या गाडीला अपघात झाला. जखमी झालेल्या मेटे यांना कामोठे येथील एमजीएम रुग्णालयात दाखल केले असता डॉक्टरांनी त्यांना मृत घोषित केले. मुंबईतील जेजे रुग्णालयात सायंकाळी मेटे यांच्या पार्थिवाचे शवविच्छेदन करण्यात आले. मेटे यांच्या ड्रायव्हरची चौकशी करण्याच येत आहे. त्याच्या चौकशीतून अनेक धक्कादायक बाबींचा खुलासा होणार आहे.
मेटेंच्या अपघात प्रकरणी त्यांचा ड्रायव्हर आणि आयशराच्या ड्रायव्हरची चौकशी होणार आहे. हा अपघात झाला कसा याचा तपास पोलिसांकडून केला जात आहे. या अपघाताची चौकशी झाली पाहिजे अशी मागणी तच मेटेंचे कुटुंबीय आणि मराठा क्रांती मोर्चाच्या माध्यमातून होत आहे. त्याच अनुषंगाने आता रायगड पोलीसांनी पावले उचलण्यास सुरवात केली आहे. माजी आमदार विनायक मेटे यांच्या अपघात प्रकरणी वाहन चालक एकनाथ कदम यांच्यावर गुन्हा दाखल होण्याची शक्यता आहे. कदम याचा वाहन चालविताना डोळा लागल्याचा पोलिसांना संशय आहे. पोलिसांकडून कदम आणि आयशर टेम्पो ड्रायव्हर या दोघांची समोरासमोर चौकशी होणार आहे.
अपघातानंतर प्रथम विनायक मेटे यांचा ड्रायव्हर एकनाथ कदम याला चौकशीसाठी ताब्यात घेण्यात आले होते. त्यानंतर त्याची आरोग्य तपासणीही करण्यात आली होती. घटनेचा तपास सुरु असतानाच विनायक मेटे यांच्या गाडीला धडक दिलेला आयशरही सीसीटीव्हीमध्ये समोर आला आहे. हा आयशर रसायनी पोलीस स्थानकात पोलीस घेऊन गेले आहेत. आता चौकशीचे पुढचे पाऊल म्हणून मेटेंचा ड्रायव्हर अन् आयशरच्या ड्रायव्हरची समोरासमोर बसून चौकशी होऊ शकते. या चौकशीतून काय समोर येते, याची चर्चा सुरू आहे.
एका टोलनाक्यावरील सीसीटीव्हीमध्ये विनायक मेटे यांच्या गाडीला ज्या आयशरने धडक दिली, तो देखील समोर आला आहे.
एवढेच नाही त्याचा चालक उमेश जाधव यालाही पोलिसांनी ताब्यात घेऊन आयशर रसायनी पोलीस स्थानकात लावण्यात आला आहे. यानंतर आता विनायक मेटेंचा ड्रायव्हर एकनाथ कदम आणि आयशरचा ड्रायव्हर उमेश जाधव या दोघांची आता समोरासमोर चौकशी केली जाणार असल्याची शक्यता आहे. दोघांची चौकशी समोरासमोर झाली तर नेमके काय झाले होते हे समोर येणार आहे.
विनायक मेटे यांच्या वाहनाचा ज्या ट्रकसोबत अपघात झाला. तो घटनास्थळावरून पसार झाला होता. त्यानंतर रायगड पोलिसांनी ट्रक चालकाचा शोध घेतला. तेव्हा तो ट्रक पालघर जिल्ह्यात असल्याचं कळालं. त्यानंतर पालघर पोलिसांनी पथक पाठवून दमन येथून ट्रकसह चालकाला ताब्यात घेतले. रात्री उशिरा पालघर पोलिसांनी ट्रक चालकाला रायगड पोलिसांच्या हवाली केले. त्यानंतर आता विनायक मेटेंचा वाहन चालक आणि ट्रक ड्रायव्हरची एकत्रित चौकशी करण्यात येणार आहे. एकनाथ कदम हा विनायक मेटेंच्या कारचा चालक असून त्याचा डोळा लागल्याने हा अपघात घडल्याचा पोलिसांना अंदाज आहे. त्यामुळे मेटेंच्या वाहनचालकावर निष्काळजीपणाचा गुन्हा दाखल होऊ शकतो.
मुख्यमंत्री एकनाथ शिंदे यांनी बोलावलेल्या मराठा आरक्षणाच्या बैठकीला उपस्थित राहण्यासाठी मेटे मुंबईला येत होते. रविवारी पहाटे पाचच्या सुमारास मेटे यांच्या गाडीच्या चालकाचे वाहनावरील नियंत्रण सुटले. पुढे असलेल्या कंटेनरला गाडीने धडक दिली. चालकाच्या मागील सीटवर बसलेले मेटे यांच्या डोक्याला गंभीर दुखापत झाली. अपघातानंतर बराच काळ ते घटनास्थळी रक्तबंबाळ अवस्थेत पडून होते. अखेर पोलिसांना माहिती मिळताच एका रुग्णवाहिकेतून त्यांना कामोठे येथील एमजीएम रुग्णालयात आणले. अपघातात मेटे यांचे अंगरक्षक राम ढोबळे हेही गंभीर जखमी झाले असून, चालक एकनाथ कदम याला किरकोळ इजा झाली आहे.
विनायक मेटे यांचा ड्रायव्हर एकनाथ कदम हा रसायनी पोलिसांच्या ताब्यात आहे. दरम्यान, रविवारीच त्याला पोलीसांनी चौकशीसाठी ताब्यात घेतले आहे. तर चालकाने मद्यपान केले होते का, गाडी कशी धडकली, अपघात नेमका कशामुळे झाला, अशा विविध अंगांनी पोलीस तपास सुरु आहे. एकनाथ कदम यांच्यावरही कामोठे येथील रुग्णालयात उपचार सुरु आहेत. गेल्या तीन वर्षापासून कदम हा मेटेंच्या गाडीवर ड्रायव्हर म्हणून काम करीत आहे. तो मूळचा बीड जिल्ह्यातीलच असून अपघातानंतर त्यानेच ही घटना मेटेंच्या कुटुंबियांना सांगितली होती.
विनायक मेटे यांच्या अपघाती निधनानंतर अनेक सवाल उपस्थित करण्यात आले आहेत. विशेष म्हणजे त्यांच्या कुटुंबियांनीच हा घात-पात तर नाही ना अशी शंका उपस्थित करीत चौकशीची मागणी केली आहे. त्यामुळे नेमका अपघात झाला कसा? अपघातानंतर रुग्णसेवेला एवढा उशीर का झाला असे सवाल उपस्थित करण्यात आले आहेत. तर दुसरीकडे मराठा आरक्षणाच्या बैठकीच्या वेळेत अचानक बदल कसा झाला. वेळेत बदल झाल्यानेट विनायक मेटे हे वेगाने मुंबईकडे निघाले आणि त्यामध्येच ही दुर्देवी घटना घडल्याचा आरोप केला जात आहे.
Vinayak Mete Accident Death Driver Enquiry
Police Investigation Crime
