इंडिया दर्पण ऑनलाईन डेस्क
शिवसेना शिंदे गटाचे नेते भरत गोगावले व्यासपीठावर बोलत असताना त्यांची जीभ घसररली. भरभाषणात शिवसेना उद्धव ठाकरे गटाच्या स्नेहल जगताप यांच्यावर बोलत असताना नाव न घेता टीका केली. यावेळी त्यांनी ‘महात्मा ज्योतिबा फुले किंवा आम्ही केलेली काही थोडीफार मदत आणि प्रत्येक गावाचा विकास…मग सांगा तुम्हाला कोण पाहिजे? असं वक्तव्य भरत गोगावले यांनी करत उपस्थितांना सवाल केला आहे.
त्यानंतर गोगावले म्हणाले, तुम्हाला कोण पाहिजे? काम करणारा भाऊ पाहिजे की.. चुXXX बनवणारी बहीण पाहिजे? हे लक्षात ठेवा असे म्हणाले. त्यानंतर विरोधी पक्षनेते विजय वडेट्टीवार यांनी जोरदार टीका केली. त्यांनी व्हिडिओ पोस्ट करत म्हटले की, एकनाथ शिंदे आणि त्यांच्या फेकसेनेचा हा खरा चेहरा आहे! मतांसाठी मुख्यमंत्री लाडकी बहिण म्हणून इव्हेंट करत आहे. दुसरीकडे त्यांच्या पक्षाचा आमदार एका महिलेला भर सभेत शिव्या घालत आहे.
मुख्यमंत्री महोदय, तुमच्या लाडक्या बहिणीला शिव्या घालणाऱ्या भरत गोगावले यांच्यावर कारवाई करून दाखवा. बहिणीची अब्रू महत्वाची की खुर्चीसाठी तुम्हाला पाठिंबा देणारा आमदार महत्वाचा हे आज राज्याला दाखवून द्या.
