इंडिया दर्पण ऑनलाईन डेस्क
एकीकडे सोमनाथ सुर्यवंशी यांना न्याय मिळावा यासाठी काढण्यात आलेल्या मोर्च्यात सुरेश धस सहभागी होतात. आणि दुसरीकडे म्हणतात की पोलिसांवर गुन्हे दाखल करू नका..भाजप आमदार पोलिसांना क्लिनचीट का देत आहे? सोमनाथ सुर्यवंशी यांच्या जीवाची किंमत नाही का? असा सवाल करत काँग्रेस नेते विजय वडेट्टीवार यांनी एक व्हिडिओ सोशल मीडियावर शेअर केला आहे.
त्यांनी आपल्या पोस्टमध्ये म्हटले आहे की, एका आईने आपला मुलगा आणि कुटुंबाने आधार गमावला आणि पोलिसांना फक्त सुनावलं म्हणून सोडून द्यायचे? हा न्याय असू शकतो का? सुरेश धस यांना परभणी प्रकरणात सोमनाथ सुर्यवंशी यांच्या कुटुंबाला न्याय का मिळू द्यायचा नाही ? असा सवालही त्यांनी केला आहे.
