इंडिया दर्पण विशेष – वास्तू शंका समाधान – घरामधली ऊर्जा कशी टिकवावी?

इंडिया दर्पण ऑनलाईन डेस्क – अतिशय दर्जेदार वृत्तसेवा देणाऱ्या ‘इंडिया दर्पण’च्यावतीने वाचकांच्या आग्रही मागणीस्तव वास्तू शंकासमाधान या सदराद्वारे वाचकांना आता विविध प्रकारचे अचूक मार्गदर्शन मिळत आहे. गृहस्वप्न पूर्ण होणे ही फार मोठी बाब असते. मात्र, कुठली वास्तू घ्यावी, कशी असावी, वास्तूशास्त्र काय सांगते, आपल्या राहत्या घरातील अनेक बाबी कशा असाव्यात, काही समस्या असतील तर त्या कशा दूर कराव्यात आदींविषयी या सदराद्वारे शास्त्रोक्त माहिती दिली जात आहे.

या आठवड्याचा प्रश्न असा
आपण रहात असलेल्या घरामधली ऊर्जा कशी टिकवावी, असा प्रश्न सूर्यकांत गायकवाड, मीनल काकडे आणि शरद वानखेडे यांनी विचारला आहे
उत्तर असे

जीवन कसे जगावे ही एक कला आहे. मनावरची मरगळ दूर केली तर आपल्या भोवताली जितक्या वस्तू व्यक्ती यांचा वावर असतो. त्या प्रत्येकात काही ना काही ऊर्जा ही असतेच. मनुष्याचा औरा किंवा ऊर्जा त्याचप्रमाणे टीव्ही, फ्रिज, वॉशिंग मशीन, दिवाण अशा घरातील प्रत्येक गोष्टी यात एक प्रकारची विशिष्ट ऊर्जा असते. विशिष्ट स्वरूपाची स्पंदने असतात, याचा वापर आपण योग्य तऱ्हेने केला तर आपले आयुष्य आनंदी व सुखी होऊ शकते आपण रोज सकाळी उठतो. कामावर जातो दिवसभर बाहेर असतो, पण आपल्या वास्तूचे घराचे नाव आपण किमान चार ते पाच वेळा तर आरामात घेतोच. रात्री घरी आल्यानंतर जी शांतता प्रसन्नता हवी, जो आराम हवा, दुसऱ्या दिवशी कार्य करण्यासाठी जी ऊर्जा हवी ती आपणास वास्तू मधून कशी प्राप्त करता येईल. याविषयी आपण विचारांची देवाणघेवाण करूया.
सकाळी उठल्यावर सर्वात प्रथम आपल्या हातांना समोर घेऊन त्यांचे दर्शन घ्यावे. नागपुडीचा ज्या नाकपुडीतून श्वास चालू असेल तो पाय प्रथम जमिनीवर टेकवावा. मनात आजचा दिवस खुप सुंदर आहे, आज सगळे शुभच होणार हे म्हणत आपल्या इतर कार्यासाठी पुढे निघावे. घरातील आई वडील, पत्नी, मुले ,यांना स्माईल करावे. त्यांच्याशी प्रेमाने बोलावे विचारपूस करावी. आपले सर्व कामे झाले की प्रसन्न चित्ताने कामावर निघावे.
बाकी टिप्स पुढच्या वेळी

वास्तूविषयी आपले प्रश्न या नंबरवर व्हॉटसअॅप करावेत
ज्यो. प्रशांत सुधाकर चौधरी, नाशिक
ज्योतिष व वास्तू अभ्यासक
मो. – 9850281917
वरील नंबरवर कॉल करु नये. आपले प्रश्न फक्त व्हॉटसअॅप करावेत. आपले पूर्ण नाव आणि पत्ताही द्यावा. आपल्या प्रश्नांना इंडिया दर्पण शंकासमाधान या सदरामध्येच उत्तर दिले जाईल.

वास्तू तज्ज्ञ प्रशांत चौधरी यांच्याविषयी…
वास्तू तज्ज्ञ आणि ज्योतिषाचार्य प्रशांत सुधाकर चौधरी हे या सदराद्वारे वाचकांना मार्गदर्शन करणार आहेत. गेल्या २१ वर्षांपासून ते ज्योतिष आणि वास्तूशास्त्र क्षेत्रात कार्यरत आहेत. ज्योतिष भूषण आणि वास्तू विशारद या पदवी त्यांनी संपादित केल्या आहेत. त्याशिवाय ते गृहरक्षक दलातही सेवा बजावत आहेत. नाशिकच्या ज्योतिष अभ्यास मंडळात ते शिक्षक म्हणून जबाबदारी सांभाळत आहेत. वैवाहिक, घरगुती समस्या,अडचणी समुपदेशक म्हणूनही त्यांचा नावलौकिक आहे.

राष्ट्रीय स्वयंसेवक संघाच्या जनकल्याण समितीत ते जनकल्याण रुग्नोपयोगी साहित्य केंद्राचे सहप्रमुख आहेत. त्याशिवाय नाट्य कला क्षेत्रात नैपथ्यकार, लहान व तरुण मुलांनमध्ये संस्कार वर्ग आयोजन, भारतीय संस्कृतीचा प्रचार-प्रसार यात त्यांचे योगदान उल्लेखनीय आहे. सिंहस्थ कुंभमेळ्यात केलेल्या विशेष कामगिरीबद्दल त्यांचा विशेष सत्कार करण्यात आला आहे. पोलिस अधिक्षक ग्रामीण यांच्याकडूनही त्यांचा अनेकवेळा सन्मान झाला आहे. “कोरोनायोद्धा” म्हणूनही त्यांना गौरविण्यात आले आहे.

Vastu Shanka Samadhan Home Energy Guidance Prashant Chaudhari