इंडिया दर्पण ऑनलाईन डेस्क – भारतीय संस्कृतीत वेगवेगळ्या धर्म, पंथ आणि जातींमध्ये लग्नाची वेगळी प्रथा परंपरा आहेत. याकरिता परंपरेनुसार विधी पार पाडले जातात. लग्नात अनेक विधी हे काही महिने आधीच सुरू होतात. शतकानुशतके चालत आलेल्या प्रथांमागे अशी काही कारणे आहेत, जी जाणून घेतल्यास आश्चर्य वाटेल. लग्नाच्या मुख्य समारंभात हळद, मेहंदीचे कार्यक्रम महत्वाचे मानले जातात. अशाच काही रंजक गोष्टी जाणून घेणार आहोत जे लग्नाच्या प्रथांशी संबंधित आहेत.
हळद
लग्नाच्या मुख्य कार्यांपैकी एक म्हणजे हळदी समारंभ होय. या समारंभात वधू-वरांना हळदीची पेस्ट लावली जाते. जोडप्याच्या चेहऱ्यावर नैसर्गिक चमक येण्यास मदत होते. तसेच औषधी गुणधर्मामुळे हळद ही एक उत्तम वनौषधी मानली जाते, अशा परिस्थितीत हळदीची रस्सम शरीराला फायदे मिळवून देण्यास मदत करते. हळद त्वचेतील बॅक्टेरिया नष्ट करते आणि तत्वचेला चमक आणते. हळदीची पेस्ट सहसा तेलात मिसळून तयार केली जाते. त्यामुळे त्वचेला मॉइश्चरायझिंग होण्यास मदत होते.
मेहंदी
भारतीय नववधूंच्या हातावर आणि पायावर मेहंदी लावली जाते. त्याशिवाय वधूचा शृंगार अपूर्ण मानला जातो. त्याच वेळी, वराच्या हातावर देखील ते लावले जाते. मेंदीमध्ये मजबूत सुखदायक गुणधर्म तसेच अँटीसेप्टिक गुणधर्म आहेत. त्याचा कूलिंग इफेक्ट जोडप्याला तणाव, डोकेदुखी आणि तापापासून आराम मिळवण्यास मदत करतो. नखांच्या वाढीसाठीही ते फायदेशीर आहे.
कुंकू लावणे
लग्नानंतर स्त्रीमध्ये अनेक बदल होतात. अशा परिस्थितीत मेकअप करण्याची पद्धतही पूर्णपणे बदलते. लग्नात वराने वधूला कुंकू लावायचा असतो. कारणे कुंकूचे काही आरोग्यदायी फायदे आहेत. त्यात हळद, चुना आणि थोडा पारा असतो. वधूच्या केसांना लावल्यावर पारा शरीराला थंडावा देतो आणि तिला आरामदायी वाटतो.
पायाच्या बोटातील जोडवे
हिंदू नववधूंनी पायाच्या बोटात अंगठी घालणे आवश्यक आहे. ते घाण्यामागील कारण जाणून आश्चर्य वाटेल. अंगठ्यामध्ये एक विशेष रक्तवाहिनी आहे, जी गर्भाशयातून जात असताना हृदयाशी जोडली जाते. पायाची नस गर्भाशयाला मजबूत करते आणि मासिक पाळी नियमित करते.
