मुंबई (इंडिया दर्पण वृत्तसेवा) –वंचित बहुजन आघाडीने राज्यातील विधानसभेसाठी १६ उमेदवारांची पाचवी यादी जाहीर केली आहे. या अगोदर पहिली यादी ११ उमेदवारांची होती. दुसरी यादी १० उमेदवारांची तर तिसरी यादी ३० उमेदवारांची होती. चौथी व पाचवी यादी १६ उमेदवारांची आहे. राज्यात सर्वात प्रथम उमेदवार घोषीत करण्याचा निर्णय वंचितने घेतला असून त्यामुळे पाचवी यादी आतापर्यंत जाहीर झाली आहे. पाचव्या यादीत उपमुख्यमंत्री अजित पवार यांच्या विरोधात मंगलदास तुकाराम निकाळजे यांना उमेदवारी देण्यात आली आहे.
आतापर्यंतच्या यादीत नाशिक जिल्ह्यातील इगतपुरी येथील विधानसभा मतदार संघासाठी भाऊनाथ काशिनाथ डगळे, तर देवळाली मतदार संघातून अविनाश शिंदे यांना उमेदवारी दिली आहे.
