इंडिया दर्पण ऑनलाईन डेस्क – सासू सुनेचे नाते हे विळ्या भोपळ्याचे असते. सासूला वाटते की, आपला मुलगा आपल्या ताब्यात असावा. तर मुलाच्या पत्नीला वाटते की, नवरा आपल्या मिठीत असावा, त्यातून मग मोठा संघर्ष निर्माण होतो. मात्र कधीतरी हा संघर्ष इतका विकोपाला जातो की, त्यातून काही विपरीत घटना देखील घडू शकते. उत्तर प्रदेशात अशीच एक घटना घडली. एका सासूने आपल्या सुनेची सुपारी देत गोळ्या झाडून तिची हत्या केली आहे. याचे कारण म्हणजे तिचा मुलगा त्याच्या बायकोवर म्हणजे सूनेवर सर्व पैसा खर्च करत होता. याचा त्या महिलेला राग आला आणि त्यातूनही घटना घडली. या घटनेमुळे परिसरात एकच खळबळ उडाली. पोलिसांनी सासूला अटक केली आहे.
ती रक्ताच्या थारोळ्यात पडली
पोलीसांकडून याबाबत मिळालेल्या माहितीनुसार, नोएडा येथे ही घटना घडली आहे. पोलिसांना महिलेच्या हत्येची माहिती मिळाल्यानंतर तपास सुरू केला. तपासात सासूला अटक केल्यानंतर तिने स्वत: आपण केलेल्या गुन्ह्याची कबुली दिली आहे. दुपारच्या सुमारास पती घरी नसताना दुचाकीवरुन काही जण महिलेच्या घरात घुसले. घरात आल्याबरोबर त्यांनी तिच्यावर गोळ्या झाड्यात तिची हत्या केली. गोळ्या झाडून त्यांनी तातडीने तेथून पळ काढला. यावेळी महिला तेथेच पडून होती. रक्ताच्या थारोळ्यात पडलेली असतानाच तिचा मृत्यू झाला. ल्या घटना घडल्यानंतर आजुबाजुच्या लोकांनी गर्दी केली. या महिलेचा खून का झाला याचा कोणालाच उलगडा होत नव्हता. पोलीस देखील चक्रावून गेले.
असे झाले सासूचे नाव उघड
आपल्या सूनेचा खून झाल्यावर सासूने शोक व्यक्त केला. तसेच पोलिसांना याची माहिती मिळाल्यावर त्यांनी तातडीने घटनास्थळी धाव घेतली. तसेच लगेच चौकशी केली असता हल्लेखोरांना अटक करण्यात आली.
मात्र त्यांना अटक केल्यावर सासूचे नाव समोर आले. या महिलेचे या आधी एका व्यक्तीसोबत लग्न झाले होते. हा तिचा दुसरा विवाह होता. याबाबत तिने आपल्या दुसऱ्या पतीला काहीच माहिती दिली नव्हती. याचा सासूला राग आला, तसेच मुलगा त्याचा सर्व पगार पत्नीवर खर्च करत होता. याचा देखील सासूला राग येत होता. शेवटी सुपारी देऊन सूनेची हत्या करण्याचा निर्णय सासूने घेतला. त्यातून तिने सूनेच्या खूनाची सुपारी दिली.
Uttar Pradesh Crime Mother in Law Murder Daughter in Law
