इंडिया दर्पण ऑनलाईन डेस्क – शाळा कॉलेजेसमध्ये काही वर्षांपूर्वी रॅगींग सारखा गैरप्रकार घडत होता. यामध्ये मोठ्या वयाची मुले कमी वयाच्या मुलांना त्रास देऊन त्यांची रॅगिंग करत होती, परंतु कायद्याने हा प्रकार बंद झाला आहे. मात्र, समाजात अजूनही अनेक गंभीर प्रकार घडत आहेत. उत्तर प्रदेशात एक खळबळजनक प्रकार समोर आला आहे.
सिद्धार्थ नगर जिल्ह्यातील पाथ्रा बाजार परिसरात एका चिकन विक्रीच्या दुकानावर हा गैरप्रकार घडल्याचे सांगण्यात येते. दोन हजार रुपये चोरल्याच्या संशयावरून तरुणांच्या एका गटाने दोन अल्पवयीन मुलांना पेट्रोलचे इंजेक्शन टोचून त्यांचे शारीरिक शोषण केले, इतकेच नव्हे तर त्यांना लघवी तथा मुत्र पिण्यास भाग पाडले. हा प्रकार काल रविवारी उघडकीस आला. अत्याचारित अल्पवयीन मुलांपैकी एकाचे वडील मोहंमद हुसैन यांच्या तक्रारीवरून पोलिसांनी गुन्हा दाखल करून आठ आरोपींपैकी सहा जणांना अटक केली आहे. तर दोघांचा शोध सुरू आहे. या गैरप्रकारामुळे सर्वत्र खळबळ उडाली असून अशा प्रकारे मुलांचा छळ करणाऱ्या या गुंडांना कठोर शिक्षा करावी, अशी मागणी या परिसरातील नागरिकांनी केली आहे.
या संदर्भात माहिती देताना पोलिसांनी सांगितले की, अफझल आणि विजय सहानी ही दोन अल्पवयीन मुले त्यांच्या त्यांच्या मित्रासमवेत खेळत होती परंतु खेळत असतानाच काही गुंड तरुण मुले त्यांच्याकडे आली आणि त्यांना विनाकारणच मारहाण करू लागली, तसेच त्या गुंड तरुणांनी दोन हजार रुपये चोरल्याच्या संशयावरून त्यांचे हात बांधले. त्यानंतर त्यांच्यावर विचित्र अत्याचार केले, या प्रकाराची चित्रफीत बनवून समाज माध्यमांवर प्रसारित केली होती. ही घटना सर्वत्र पसरल्यानंतर पोलीस अधीक्षक अभिषेक कुमार अगरवाल यांनी कारवाईचे आदेश दिले.
uttar pradesh crime minor boys brutal torture abuse
Siddhartha Nagar
