इंडिया दर्पण ऑनलाईन डेस्क – महिलांवरील अत्याचाराच्या घटना दिवसेंदिवस वाढतच चालल्या आहेत. देशातील असे कोणतेही राज्य आजच्या काळात दिसून येत नाही की, तेथे महिलांवर अत्याचार झाला नाही. अलिकडच्या काळात या अत्याचाराच्या घटनांमध्ये वाढ झाल्याने समाजातील विकृत व नराधामांना आणखी कडक शिक्षा करण्यासाठी आणखी कठोर कायदे करण्याची गरज आहे. सध्याच्या कायद्याचा कोणालाही धाक दिसून येत नाही. उत्तर प्रदेशातील कौशांबी जिल्ह्यात एका महिलेवर सामूहिक बलात्कार झाल्याची धक्कादायक घटना उघडकीस आली आहे. पीडित महिलेच्या तक्रारीवरून पोलिसांनी गुन्हा दाखल केला आहे.
देवदर्शन करुन परतत असताना गाठलं…
एक धार्मिक वृतीची महिला घरापासून दूरवरच्या एका मंदिरात देवदर्शनासाठी गेली होती. देवदर्शन घेऊन ती घरी परत येत असताना तिला वेळ झाला, अंधार पडू लागला होता , रस्ता सुनसान होत होता. सायंकाळच्या सुमारास ही महिला रस्त्यावर उभे राहून बसची वाट पाहत होती. यावेळी जिल्हा पंचायत सदस्य शेरू आणि झुबेर अहमद नावाची एक व्यक्ती चारचाकी वाहनातून महिलेजवळ आले. त्यांनी त्या महिलेला सहानुभूती दाखत सांगितले की, आता उशीरा कोणतीही बस मिळणार नाही. त्यामुळे आम्ही कारमधून तुम्हाला घरी सोडतो. काळजी करू नका. काळोख वाढत असल्याने सदर महिला त्यांच्या भुलथापांना बळी पडली. घरी जाण्यासाठी ती आरोपींच्या कारमध्ये बसली. मात्र आरोपींनी पीडितेला तिच्या घराकडे नेण्याऐवजी जंगलात नेले.
तोंडात कापडाचा बोळा कोंबला..
महिलेने विश्वास ठेवला, मात्र त्या दोन नराधमांनी तिचा गैरफायदा घेतला. यावेळी पीडितेने मदतीसाठी आरडाओरडा करण्याचा प्रयत्न केला. मात्र, तिचा आवाज कुणीही ऐकू नये म्हणून आरोपींनी तिच्या तोंडात कापडाचा बोळा कोंबला. नराधमांनी कार लॉक केली आणि तिच्यावर सामूहिक बलात्कार केला. इतकेच नव्हे तर आरोपींनी बलात्काराचा व्हिडीओही रेकॉर्ड केला. तसेच घटनेची माहिती कोणाला सांगितल्यास व्हिडीओ व्हायरल करण्याची धमकी देखील नराधमांनी पिडीतेला दिली. याशिवाय एकाने तिच्या डोक्यावर बंदूक लावली आणि तिच्या कुटुंबाला जीवे मारण्याचीही धमकी दिली. तसे पीडितेने तक्रारीत दिले आहे. याप्रकरणी दोन्ही आरोपींविरोधात विविध कलमांतर्गत गुन्हा दाखल केला असून पुढील तपास केला जात आहे. या दोघांना कठोर शिक्षा करण्याची मागणी होत आहे.
UP Koshambi Crime Women Gangrape
Uttar Pradesh
