इंडिया दर्पण ऑनलाईन डेस्क – गेल्या काही दिवसांमध्ये गुन्हेगारीमध्ये मोठी वाढ झाली आहे. विशेषतः महिलांवरील अत्याचार खूपच वाढले असून अगदी अल्पवयीन मुली देखील याला बळी पडत आहेत. जौनपूर जिल्ह्याच्या मच्छली शहरानजिकच्या रसूलाबाद हद्दीत प्रचंड भयानक व संतापजनक घटना समोर आली आहे. येथील चार हैवानी पुरुषांनी एका अल्पवयीन मुलीला तिच्या घरातून पळवून नेत तिच्यावर बलात्कार करण्याचा प्रयत्न केला आहे.
व्हिडिओ व्हायरल
आणखी वाईट गोष्ट म्हणजे एक जण या घटनेचे कॅमेऱ्यातून व्हिडीओ शुटींग करत होता, तर दुसरा त्याला मदत करत होता. पीडित मुलीने आरडाओरड करत आरोपींच्या तावडीतून स्वत:ची सुटका करुन घेतली. यामुळे मोठा अनर्थ टळला आहे. या संपूर्ण घटनेचा व्हिडीओ समोर आला असून सोशल मीडियावर व्हायरल झाला आहे. त्यामुळे मोठी खळबळ उडाली आहे. अशाप्रकारे अत्याचाराच्या घटना वाढल्या असून आणखी त्याचे व्हिडिओ शूटिंग करून ब्लॅकमेलिंग करण्याचा भयानक प्रकार देखील वाढला आहे.
आरडाओरडा करुन बचावाचा प्रयत्न
गुंड प्रवृत्तीचे लोक आपला मेंदू गहाण ठेवून कोणतेही चांगले काम करण्याऐवजी वाईट काम करण्यास प्रवृत्त होतात, अशाच प्रकारे ही घटना घडली आहे. या व्हिडीओमध्ये चार वासनांध पुरुष अल्पवयीन मुलीवर सामूहिक अत्याचार करताना दिसत आहे. तर पीडित तरुणी स्वत:चा बचाव करत आहे. तरीही आरोपी जबरदस्ती करत तिच्या अंगाशी लगट करत आहेत. पीडितेने आरोपींचा प्रतिकार केला असता आरोपींनी तिचे हात मुरगाळत तथा पिळत तिच्यावर शारीरिक अत्याचार केला. यानंतर पीडित मुलीने आरडाओरडा करत आरोपींच्या तावडीतून स्वत:ची सुटका करून घेतली आणि तेथून कसाबसा पळ काढला. यावेळी एक आरोपी ही संपूर्ण घटना मोबाईलमध्ये चित्रण करत होता. आता हा व्हिडीओ सोशल मीडियावर व्हायरल झाला असून आरोपींवर कठोर कारवाईची मागणी केली आहे. मात्र त्याच्यावर कारवाई होण्यास किती विलंब लागतो हे सांगता येत नाही, म्हणजे अशा घटनांवर तात्काळ कारवाई होणे आवश्यक आहे.
UP Jaunpur Crime Gang Rape Attempt 6 Arrested
Uttar Pradesh Pocso Camera Video Viral Sexual Abuse Minor Girl
