नवी दिल्ली (इंडिया दर्पण वृत्तसेवा) – केंद्रीय मंत्री निर्मला सीतारामन यांनी बुधवारी संसदेत 2023-24 चा सर्वसाधारण अर्थसंकल्प सादर केला. निर्मला सीतारामन यांनी हा अर्थसंकल्प अमृत कालचा पहिला अर्थसंकल्प आहे. या अर्थसंकल्पात ज्येष्ठ नागरिक आणि मध्यमवर्गीय कुटुंबांवर विशेष लक्ष देण्यात आले आहे. ज्येष्ठ नागरिकांना प्राधान्य देत सरकारने त्यांची बचत मर्यादा दुप्पट करण्याचा निर्णय घेतला. अशा परिस्थितीत ज्येष्ठ नागरिकांच्या वाट्याला काय आले ते जाणून घेऊया….
बचत योजना मर्यादा दुप्पट
आपल्या 87 मिनिटांच्या अर्थसंकल्पीय भाषणात, अर्थमंत्र्यांनी ज्येष्ठ नागरिक खाते योजनेची मर्यादा 15 लाख रुपयांवरून 30 लाख रुपये करण्याची घोषणा केली. अशा स्थितीत वेगवेगळ्या ज्येष्ठ खातेदारांसाठी ठेवींची व्याप्ती वाढवण्यात आली आहे. ज्या अंतर्गत वैयक्तिकरित्या ज्येष्ठ नागरिक 9 लाख रुपये जमा करू शकतात. यापूर्वी त्याची कमाल मर्यादा 4.5 लाख रुपये होती. तर संयुक्तपणे जास्तीत जास्त ठेव रक्कम 15 लाख रुपये करण्यात आली आहे. दरम्यान, सरकार महिला सन्मान बचत पत्र योजना सुरू करणार असल्याचे त्यांनी सांगितले. ज्या अंतर्गत महिलांना 2 लाखांच्या बचतीवर 7.5 टक्के व्याज मिळेल.
पोस्ट ऑफिसच्या ज्येष्ठ नागरिक बचत योजनेंतर्गत ६० वर्षांपेक्षा जास्त वयाची व्यक्ती आपले खाते उघडू शकते. याशिवाय, 55 ते 60 वयोगटातील सेवानिवृत्त नागरिक निवृत्तीचा लाभ मिळाल्यानंतर 1 महिन्याच्या आत गुंतवणूक करण्याच्या अटीवर त्यांचे खाते उघडू शकतात. या पोस्ट ऑफिस स्कीममध्ये पती-पत्नीसह वैयक्तिक किंवा संयुक्तपणे खाते उघडता येते.
Union Budget 2023 Senior Citizens Announcement
