इंडिया दर्पण ऑनलाईन डेस्क
मनसे अध्यक्ष राज ठाकरे यांच्या दादर मधील निवासस्थानी उध्दव ठाकरे हे आज भेटीला गेले असून त्यांच्यात गेल्या अर्ध्या तासापासून राजकीय चर्चा सुरु झाल्याची माहिती समोर आली आहे. याअगोदर ते सहकुटुंब राज ठाकरे यांच्या घरी गणपती दर्शनासाठी गेले होते. त्यानंतर ते दुस-यांदा भेटीला गेले असून त्यांच्याबरोबर खासदार संजय राऊत व आमदार अनिल परब सुध्दा आहे. महानगरापालिकेच्या निवडणुकी संदर्भात ही भेट असल्याचे बोलले जात आहे. दरम्यान दसरा मेळाव्यात युतीची घोषणा होणार असल्याचे बोलले जात आहे.
काही दिवसांपूर्वी ठाकरे बंधू मराठी मुद्द्यावर एकत्र आले. त्यानंतर हे दोन्ही बंधू उध्दव ठाकरे यांच्या वाढदिवसानिमित्त एकत्र आले. त्यानंतर गणपती दर्शनासााठी तिसरी भेट झाली. आता ही चौथी भेट आहे. विशेष म्हणजे दोन दिवसांपूर्वीच आजची बैठक ठरली होती. ही भेट कौटुंबिक नसून यात राजकीय चर्चा होणार असल्याची माहिती सुत्रांनी दिली आहे.
दोन दिवासांपूर्वी महाविकास आघाडीतील काँग्रेसचे नेते उध्दव ठाकरे यांच्या घरी भेटीला गेले होते. यावेळी आगामी स्थानिक स्वराज्य निवडणुकीसंदर्भात चर्चा झाली. त्यात मनसेचाचा विषया सुध्दा चर्चेत होता. त्यामुळे आजच्या बैठकीला महत्त्व आहे.
