नवी दिल्ली (इंडिया दर्पण वृत्तसेवा) – रिझर्व्ह बँक ऑफ इंडियाने (आरबीआय) दोन हजार रुपयांच्या नोटांबाबत देशातील सर्व बँकांना आज नवे आदेश काढले आहेत. त्यात म्हटले आहे की, दररोज जमा होणाऱ्या २ हजार रुपयांच्या नोटांचा डेटा राखून ठेवायचा आहे.
रिझर्व्ह बँक ऑफ इंडियाचे गव्हर्नर शक्तीकांत दास यांनी सांगितले की, सर्वसामान्यांना काउंटरवर २ हजार रुपयांच्या नोटा बदलून देण्याची सुविधा पूर्वीप्रमाणेच दिली जाईल. नोटा बदलून घेण्यासाठी ४ महिन्यांचा कालावधी दिला जाईल. २ हजार रुपयांच्या नोटा बंद करण्याचा निर्णय स्वच्छ नोट धोरणांतर्गत घेण्यात आला आहे.
दास पुढे म्हणाले की, २ हजार रुपयांच्या नोटा बदलून देण्याची पूर्ण तयारी करण्यात आली आहे. २३ मे पासून इतर मूल्यांच्या २ हजार रुपयांच्या नोटा बदलण्याची मर्यादा कोणत्याही बँकेत एकावेळी २० हजार रुपयांपर्यंत असेल. आम्ही नोटा बदलून घेताना येणाऱ्या अडचणींवर सातत्याने लक्ष ठेवत आहोत, असे त्यांनी स्पष्ट केले.
दास यांनी आवाहन केले की, लोकांना नोटा बदलून घेण्यास त्रास देऊ नये. कोणतीही गडबड टाळावी. २ हजार रुपयांच्या नोटा अद्यापही चलनात आहेत. त्यामुळे त्याची देवाणघेवाण होऊ सकते. २ हजार रुपयांच्या नोटांची छपाई थांबली आहे. नोटा बदलण्यात किंवा जमा करण्यास ४ महिन्यांचा वेळ दिला आहे. घाई करण्याची गरज नाही. त्यामुळे तुम्ही आरामात बँकेत जाऊन २ हजार रुपयांच्या नोटा बदलू शकता. काळजी करण्याची गरज नाही, असे त्यांनी सांगितले.
५०० आणि १००० रुपयांच्या नोटांच्या नोटाबंदीच्या काळात चलनाची कमतरता भरून काढण्यासाठी २ हजार रुपयांच्या नोटा छापण्याचा निर्णय घेण्यात आल्याचे दास म्हणाले. आता हा उद्देश पुरेशा प्रमाणात पूर्ण झाला आहे. आज चलनात इतर प्रकारच्या पुरेशा नोटा आहेत. आम्ही म्हटल्याप्रमाणे २ हजार रुपयांच्या नोटांचे चलन देखील ६ लाख ७३ हजार कोटी रुपयांच्या सर्वोच्च पातळीवरून ३ लाख ६२ हजार कोटी रुपयांपर्यंत खाली आले आहे. छपाईही बंद करण्यात आली आहे. २ हजार रुपयांच्या नोटांनी त्यांचे जीवनचक्र पूर्ण केले आहे, असे दास यांनी सांगितले.
Two Thousand Notes RBI Order to All Banks
