पुणे (इंडिया दर्पण वृत्तसेवा) – टीव्हीएस कंपनीने बाजारात नवी स्कूटर आणली आहे. टीव्हीएस कंपनीची वाहने वेगळी आणि वैशिष्ट्यपूर्ण असतात. आता TVS Motor कंपनीने TVS NTORQ 125 XT ही स्कूटर लाँच केली आहे. TVS NTORQ 125 चा हा नवीन प्रकार SmartXonnect कनेक्टिव्हिटीसह येतो. या स्कूटरमध्ये रंगीत TFT आणि LCD कन्सोलसह सेगमेंट-फर्स्ट हायब्रिड SmartXonnect वैशिष्ट्य समाविष्ट आहे. यासोबतच ही स्कूटर 60 हून अधिक हाय-टेक फीचर्सने सुसज्ज आहे.
या स्कूटरमध्ये व्हॉईस असिस्ट फीचर आहे. जे थेट व्हॉइस कमांड स्वीकारू शकते. स्कूटर टीव्हीएस इंटेलिगो तंत्रज्ञानाने सुसज्ज आहे ज्यात सायलेंट, स्मूथ आणि वर्धित स्टार्ट-स्टॉप फंक्शन आहे. यासोबतच यामध्ये हलक्या, स्पोर्टियर व्हीलर्स देण्यात आल्या आहेत, ज्यामुळे चांगला परफॉर्मन्स मिळतो आणि पेट्रोलची बचतही होते.
TVS NTORQ 125 XT मध्ये, सोशल मीडिया प्लॅटफॉर्म अलर्ट सारखी वैशिष्ट्ये देखील मिळतात. यासोबतच स्कूटरमध्ये फूड डिलिव्हरी स्टेटस ट्रॅक करण्याची सुविधाही मिळते. या स्कूटरमध्ये पहिल्यांदाच हे फीचर देण्यात आले आहे. रायडर एंगेजमेंटवर लक्ष केंद्रित करून, TVS NTORQ 125 XT एक नवीन ट्रॅफिक टाइम स्लाइडर स्क्रीनसह येते. यात क्रिकेट आणि फुटबॉल स्कोअर जाणून घेता येतो. यामध्ये ट्रॅफिक सिग्नलवर थांबताना थेट AQI, बातम्या आणि बरेच काही पाहू शकता.
नवीन TVS NTORQ 125 XT नवीन पेंट स्कीमसह निऑन ग्रीनमध्ये आणले गेले आहे जे ते TVS NTORQ 125 लाइन-अपच्या इतर प्रकारांपेक्षा वेगळे करते. त्याची किंमत 1,02,823 रुपयांपासून सुरू होते.
