मुंबई (इंडिया दर्पण वृतसेवा) – छोट्या पडद्यावरील म्हणजेच टीव्हीवरील मराठी मालिका ‘रंग माझा वेगळा’ही प्रेक्षकांच्या पसंतीस उतरली आहे. अल्पावधीतच या मालिकेतील सर्वच कलाकारांनी प्रेक्षकांची मने जिंकली आहेत. या मालिकेत दीपा आणि कार्तिक या जोडीला प्रेक्षकांचे भरभरुन प्रेम मिळत आहे. या मालिकेत दीपिका आणि कार्तिकी या दोघींनी प्रेक्षकांचे लक्ष वेधून घेतले आहे. परंतु आता कार्तिकीची भूमिका साकारणारी बालकलाकार साईशा भोईर हिने ही मालिका सोडली आहे.
रंग माझा वेगळा मालिकेत साईशा आता दिसणार नाही. तिच्या हितासाठी हा निर्णय घेण्यात आला आहे. जरी ती या मालिकेत दिसणार नसली तरी सोशल मीडियाद्वारे ती सगळ्यांच्या संपर्कात राहणार आहे. साईशाला कार्तिकीच्या भूमिकेतून खूप लोकप्रियता मिळाली आहे, असे साईशाच्या आई वडिलांनी तिच्यासोबत इंस्टाग्रामवर एक लाइव्ह केले होते. त्यावेळी त्यांनी कार्तिकीने मालिका का सोडली याबाबतचे कारण सांगितले होते. तसेच “पण आम्ही कल्याणला राहतो. रंग माझा वेगळाचे शूटींग हे मालाडमध्ये होते. तिकडे दररोज जाण्या-येण्यात दोन तास लागतात. त्यामुळे तिला शाळेत आणि अभ्यासासाठी फार वेळ मिळत नव्हता. तसेच यामुळे तिच्या तब्येतीवरही परिणाम जाणवू लागला आहे”, असेही त्यांनी सांगितले.
साईशाला एका नव्या प्रोजेक्टची ऑफर मिळाली असल्याने तिने ही मालिका सोडण्याचा निर्णय घेतला आहे. त्यामुळे साईशा लवकरच मोठ्या पडद्यावर दिसणार असल्याचे सांगण्यात आहे. साईशा म्हणाली की, “मला खूप कंटाळा आला होता. मला शाळेत जायचे आहे. तुम्ही साईशाला म्हणजे मला कार्तिकीच्या भूमिकेत प्रेम दिले तसेच नव्या येणाऱ्या कार्तिकीलाही द्या, असे तिच्या आई वडिलांनी सांगितले. साईशा ही लवकरच रुपेरी पडद्यावर काम करताना दिसणार आहे. तिच्या आगामी प्रोजेक्टची माहिती आम्ही तुम्हाला सोशल मीडियावर देत राहू”, असेही तिचे आई-वडील म्हणाले. दरम्यान रंग माझा वेगळा ही मालिका टीआरपी रेटिंगमध्ये पहिल्या क्रमाकांवर कायम आहे, असे सांगण्यात येते.
tv serial rang majha vegla fame kartiki saisha boir child actress
