मुंबई (इंडिया दर्पण वृत्तसेवा) – हिंदी चित्रपटांमध्ये ज्याप्रमाणे कधी कधी हिरो – हिरोईनच्या बाजूचे असलेले विरोधात जातात. तर विरोधक त्यांच्या बाजूने येतात. असाच काहीसा प्रकार एका मालिकेत सुरुवातीला घडला, ती मालिका म्हणजे रंग माझा वेगळा होय, या मालिकेत मुख्य भूमिका करणाऱ्या दीपाची सासु सुरुवातीला तिला त्रास देत होती , त्यानंतर तिच्या सासूने तिला साथ दिली आहे ,असे दिसते. सध्या मात्र ‘रंग माझा वेगळा’ ही मालिका सध्या टीआरपीच्या शर्यतीत पुढे आहे.
सध्या या मालिकेत रंजक वळण आल्याचे दिसत आहे. कार्तिक आणि दिपा यांनी एकत्र आणण्यासाठी कार्तिकी कसोशीने प्रयत्न करत आहे. आता दिपासमोर दिपिकाचं सत्य येणार आहे. हॉस्पिटलमधून दिपिकाला सौंदर्याने पळवलं होतं हे तिला समजणार आहे. एकीकडे सौंदर्याला दीपा आणि कार्तिक एकत्र यावेत असे वाटते, पण त्यासाठी दीपिकाच्या जन्माचे रहस्य दीपाला कळणे गरजेचे आहे. म्हणूनच सौंदर्याच डाव एकीकडे दीपा कार्तिकनं आयेशाशी लग्न करावं म्हणून मागे लागली आहे. अखेर कार्तिकही तयार होतो.
दीपा आणि कार्तिकची घटस्फोटाच्या पेपर्सवर सहीही होते. पण सौंदर्याला हे काही पटत नाही. तिला आयेशा घरात नको असते.
मग हाॅस्पिटलच्या कर्मचाऱ्यांची मदत घेऊन सौंदर्याच ही गोष्ट घडवून आणते. दीपा जिथे बाळंत झाली, तिथलीच स्टाफ दीपाला, तुझ्या दोन्ही मुली कशा आहेत, म्हणून विचारते. तेव्हा दीपाच्या पायाखालची जमीनच सरकते. दीपिका आपली मुलगी असल्याचं, आपल्यापासून लपवून ठेवल्याबद्दल ती आता सौंदर्याला जाब विचारणार असून मालिकेत पुढे वेगळेच नाट्य रंगणार आहे.
दरम्यान, साईशा आतापर्यंत कार्तिकी साकारत होती. साईशा भोईर ऐवजी आता मैत्रेयी दाते ही बालकलाकार ही भूमिका करतेय. दोन वेण्या आणि फ्लॉरल फ्रॉक अशा कार्तिकीच्या गेटअपमधील मैत्रेयीचे फोटो देखील सोशल मीडियावर व्हायरल झाले आहेत. या फोटोंमध्ये मैत्रेयी दीपिका अर्थात स्पृहा दळीसह पोज देताना दिसत आहे.
tv serial rang majha vegala interesting story twist entertainment star pravah