पुणे (इंडिया दर्पण वृत्तसेवा)- पुणे- मुंबई एक्स्प्रेस हायवेवर लोणावळा पासून २० किलोमिटर अंतरावर आज पहाटे ३ च्या सुमारास भीषण अपघात झाला. यात एक जण जागीच ठार तर सात आठ प्रवासी जखमी झाले आहेत. जखमींना तातडीने लोणावळा येथे उपचारासाठी दाखल केले आहे. पाथर्डी डेपो ची मुंबईला जाणारी एस टी बस क्रमांक MH १४ BT ४२५८ व मुंबईकडे तांदूळ घेवून जाणारा ट्रक क्रमांक MH १२ PQ ८७४८ या दोन वाहनांमध्ये हा अपघात झाला.
या अपघातात विश्वनाथ भगवान वाघमारे कारेगाव ता. पाथर्डी हे जागीच ठार झाले. तर जखमी मध्ये एसटी बसचा ड्रायव्हर अकोलकर, करंजी कंडक्टर खंडागळे, काजल बाळू गायकवाड,मीना सुरेश केदार, महादेव केरू पाखरे यांच्यासह अन्य तीन चार जणांचा समावेश आहे. घटनास्थळी हायवे वाहतूक पोलीस उपनिरीक्षक जितेंद्र कदम घटनास्थळी दाखल झाले. त्यानंतर जखमींना पुढील उपचारासाठी हलविण्यात आले.
