त्र्यंबकेश्वर – पंतप्रधान नरेंद्र मोदी यांच्या हस्ते वाराणसी येथील विकास कामांच्या व काशी विश्वनाथ धाम लोकार्पणा निमित्ताने त्र्यंबकेश्वर येथे ‘दिव्य काशी, भव्य काशी ” कार्यक्रमाचे आयोजन करण्यात आले होते. माजी मंत्री गिरीश महाजन, प्रदेश उपाध्यक्ष बाळासाहेब सानप, माजी आमदार तथा भटके विमुक्त आघाडी प्रदेशाध्यक्ष नरेंद्र पवार, आमदार डाॅ.राहुल आहेर, जेष्ठ नेते लक्ष्मण सावजी, जिल्हा संघटन सरचिटणीस सुनील बच्छाव, नगराध्यक्ष पुरुषोत्तम लोहगांवकर, शहराध्यक्ष सुयोग वाडेकर, भटके विमुक्त आघाडी जिल्हाध्यक्ष रविंद्र गांगुले, तालुकाध्यक्ष विष्णु दोबाडे, माजी शहराध्यक्ष तथा नगरसेवक शामराव गंगापुत्र, आखाडा परिषदेचे साधु-महंत व धर्माचार्य, यांची प्रमुख उपस्थितीती याप्रसंगी होती.
आद्यज्योतिर्लिंग त्र्यंबकेश्वर मंदिरात प्रमुख अतिथी व साधुमहंतांच्या हस्ते वेदमंत्रांच्या जयघोषात अभिषेक पुजन करून आरती करण्यात आली. पौरोहित्य उपेंद्र शिखरे, रतिश जोशी, चंद्रकांत अकोलकर यांनी केले. सनातन धर्मासाठी हा ऐतिहासिक क्षण असुन भारतामधील सर्व पौराणिक वास्तूंना पुनर्वैभव प्राप्त करून देण्याचं काम पंतप्रधान नरेंद्र मोदीजी करत आहे अशी भावना यावेळी उपस्थित साधु-महंत व धर्माचार्यांनी व्यक्त केली. यावेळी त्र्यंबकेश्वर भाजपा तर्फे उपस्थित सर्व मान्यवर व साधुसंतांचा सन्मान करण्यात आला. काशी विश्वनाथ धामचे लोकार्पणाचा भव्य दिव्य कार्यक्रम मोठ्या पडद्यावर थेट प्रक्षेपण करून सर्व उपस्थितांनी या कार्यक्रमाचा आनंद घेतला. याप्रसंगी उपनगराध्यक्ष सायली शिखरे, ज्येष्ठ नेते दिगंबर फडके, अॅड. श्रीकांत गायधनी, विजय शिखरे, त्र्यंबकेश्वर देवस्थानचे विश्वस्त तृप्ती धारणे, पुरोहित संघाचे अध्यक्ष तथा विश्वस्त प्रशांत गायधनी, विश्वस्त संतोष कदम, सुरेश गंगापुत्र, कमलेश जोशी, माजी नगराध्यक्ष कैलास घुले, आर.पी.आय. तालुका अध्यक्ष शांताराम बागुल, नगरसेवक कैलास चोथे, सागर उजे, कैलास भुतडा, अशोक घागरे, तेजस ढेरगे, पांडुरंग कोरडे, युवा मोर्चा तालुकाध्यक्ष बाळासाहेब अडसरे, प्रविण पाटिल, चंद्रकांत प्रभुणे, प्रसाद भुजंग, प्रशांत बागडे, निषाद चांदवडकर, संतोष भुजंग, कुणाल उगले, हर्षल शिखरे, श्रीकांत मुळे, मोहन कालेकर यांसह पदाधिकारी व नागरीक उपस्थित होते.
