पुणे (इंडिया दर्पण वृतसेवा) – दुचाकी चालकांना हेल्मेट सक्ती आहे. त्यामुळे दुचाकी चालविताना जर तुम्ही हेल्मेट घातलेले असेल तरी सुद्धा तुम्हाला २ हजार रुपयांचा दंड होऊ शकतो. हो तुम्ही बरोबरच वाचत आहात. हेल्मेट घालूनही तुम्हाला २ हजाराचा दंड होऊ शकतो. तो कसा असा प्रश्न तुम्हाला पडला असेल. तर, यासंदर्भात वाहतूक नियम नक्की काय आहे ते समजून घेणे आवश्यक आहे.
मोटार वाहन कायद्यानुसार, जर चालकाने मोटारसायकल, स्कूटर चालवताना हेल्मेट घातले असेल, पण त्याचा बेल्ट लावला नसेल, तर नियम 194D MVA नुसार 1000 रुपयांचे चलन आणि सदोष हेल्मेट घातल्यास 1000 रुपये असे 2000 रुपयांच्या चलनाला सामोरे जावे लागू शकते. रहदारी नियमांबद्दल माहिती देऊन जागरूक करण्याचा पोलीसांचा उद्देश आहे. जेणेकरून रस्त्यावरील अपघातांनाही आळा बसेल. याशिवाय, नवीन मोटार वाहन कायद्यानुसार, वाहन ओव्हरलोड केल्यास 20 हजार रुपयांचा मोठा दंड भरावा लागू शकतो.
याशिवाय, असे केल्यास 2000 रुपये अतिरिक्त दंडही भरावा लागणार आहे. याआधीही अनेक हजारांची चलन कापल्याची प्रकरणे समोर आली आहेत
असे तपासा
चलन कापले गेले आहे की नाही हे समजण्यासाठी https://echallan.parivahan.gov.in या वेबसाइटवर जा.
चेक चलन स्टेटस हा पर्याय निवडा.
तुम्हाला चलन क्रमांक, वाहन क्रमांक आणि ड्रायव्हिंग लायसन्स क्रमांक (DL) चा पर्याय मिळेल.
वाहन क्रमांकाचा पर्याय निवडा.
विचारलेली आवश्यक माहिती भरा आणि ‘Get Detail’ वर क्लिक करा.
आता चलन स्थिती दिसेल
चलन भरण्यासाठी
https://echallan.parivahan.gov.in/ वर जा.
चलानशी संबंधित आवश्यक तपशील भरा आणि योग्य माहिती मिळवा वर क्लिक करा.
एक नवीन पेज उघडेल
ज्यावर चालानचे तपशील दिले जातील.
तुम्हाला भरायचे असलेले चलन शोधा.
चलनासोबत ऑनलाइन पेमेंटचा पर्याय दिसेल, त्यावर क्लिक करा.
पेमेंट संबंधित माहिती भरा.
आता तुमचे ऑनलाइन चलन भरले जाईल.
