इंडिया दर्पण ऑनलाईन डेस्क – कोणत्याही कार्यालयातील शासकीय अधिकारी म्हटला की, तो नियमानुसार चालतो तसेच काही वेळा अधिकारी हे सर्वसामान्य नागरिकांच्या समस्या जाणून न घेताच टाळाटाळ करतात, किंवा त्याकडे दुर्लक्ष करतात. परंतु काही अधिकारी मात्र जनतेच्या सेवेसाठी चांगले कार्य करणारे असतात. अशाच प्रकारचा प्रत्येक उपप्रादेशिक परिवहन कार्यालयात एका युवकाला आला. त्याची समस्या ऐकून सहाय्यक आरटीओ अधिकाऱ्यांनी त्याला माणुसकीच्या दृष्टीकोनातून मदत केली. उत्तर प्रदेशातील गोरखपूर येथे घडलेली एक घटना सध्या कौतुकास पात्र ठरली आहे.
नियमही मोडता कामा नये आणि माणुसकीचा विश्वासही गमावता कामा नये, असा समतोल महाराजगंज येथील एआरटीओ आर.सी. भारतीय यांच्याकडून शिकायला मिळाला. एआरटीओ कार्यालयात असा काहीसा प्रकार घडला की, अनेकांनी एआरटीओचे कौतुक केले. प्रत्यक्षात 24,500 रुपयांचे चलन ऑटोचालक आर्थिक दुर्बल तरुणाच्या वडिलांकडून कापण्यात आले होते, ते भरण्यासाठीही आईचे मंगळसूत्र विकूनही पैसे कमी पडत होते. ही बाब आर.सी. भारतीय यांच्या लक्षात येताच त्यांनी चलनाची रक्कम स्वतःच भरली इतकेच नाही, तर गरिबीमुळे शिक्षण सोडलेल्या तरुणांना शिकवण्याची ऑफरही दिली.
सिंगपूर तळी गावातील विजय कुमार एआरटीओ कार्यालयात पोहोचला, पण संकोचतेने तो काही बोलू शकला नाही. त्याला अस्वस्थ पाहून एआरटीओने त्याच्याकडे बोलावून त्याची अडचण जाणून घेण्याचा प्रयत्न केला. विजयने सांगितले की, त्याचे वडील आर्थिक परिस्थिती कमकुवत असल्यामुळे ऑटो चालवतात. तसेच ते एका डोळ्याने अंध आहेत. काही दिवसांपूर्वी टेम्पोचे 24,500 चलनात जमा करायचे आहेत. आईचे मंगळसूत्र विकूनही केवळ 13 हजार रुपये जमा झाले आहेत.
विजयने पुढे सांगितले की, मी मजूर म्हणून काम करतो. नापास झाल्यानंतर त्याला हायस्कूलचे शिक्षणही घेता आले नाही. टेम्पोचे चालान कापण्यात आले. कदाचित उर्वरित रक्कम माफ होईल या आशेने येथे आलो. कुटुंबात सहा बहिणी आहेत. एका बहिणीचं लग्न झालं. संपूर्ण कथा ऐकल्यानंतर, एआरटीओने चालानची संपूर्ण रक्कम स्वत: जमा केली तसेच टेम्पोचा विमा काढला. यानंतर काही रोख रक्कम देऊन भविष्यात सर्वतोपरी मदत करण्याचे आश्वासन दिले. तरुणांच्या शिक्षणाचा खर्च उचलण्याची तयारीही त्यांनी दिली. दरम्यान, एआरटीओचे औदार्य पाहून कार्यालयातील सर्व कर्मचाऱ्यांनी व इतरांनी कौतुक केले.
traffic challan RTO government officer thrilling story of youth
