अजय सोनवणे, इंडिया दर्पण वृत्तसेवा
बागलाण(सटाणा) तालूक्यातील दोधेश्वर घाटातील मुख्य वळवणावर ट्रॅक्टर पलटी होऊन त्यात एक जण ठार झाल्याची घटना घडली .बागलाण अँकेडमीचे ४० विद्यार्थी या ट्रॅक्टर मधून जात असतांना हा ट्रॅक्टर पलटी झाला. त्यात पंधरा पेक्षा जास्त विद्यार्थी जखमी झाले आहे. श्रावण सोमवार निमित्ताने भाविकांची दोधेश्वर येथील मंदीरात गर्दी होत असल्याने त्याच्या बंदोबस्तासाठी हे विद्यार्थी गेले होते. परत येत असतांना वळणावर ट्रॅक्टर पलटी झाला. त्याने एका कारला धडक दिली. या अपघाताची माहिती मिळताच सटाणा पोलिस घटनास्थळी पोहचले. त्यानंतर आमदार दिलीप बोरसे हे सुध्दा त्याठिकाणी येऊन पोहचले आणि सर्व जखमींना सटाणा शासकीय रुग्णालयात पोहचविण्याची व्यवस्था करण्यात आली.. अपघातात ठार झालेला विद्यार्थी निलेश बापू कन्नोरे हा मालेगाव तालूक्यातील निमशेवरी येथील असल्याचे सांगितले जात आहे.
