विशेष प्रतिनिधी, मुंबई
टॉलीवूडच्या प्रसिद्ध नट्यांपैकी एक सामंथा रुथ प्रभू हिची आता नव्याने ओळख करून द्यायची गरज नाही. तिचा बोल्ड आणि रफ-टफ अंदाज सौंदर्यात अधिकच भर घालतो. सामंथाचा अभिनय प्रेक्षकांनी डोक्यावर घेतला आहे. त्यामुळे तिचा चाहतावर्गही मोठा आहे. तिच्या वाढदिवसाचीही चाहते वाट बघत असतात. मात्र तिचा संघर्ष मोठा आहे. एकवेळच्या जेवणाची भ्रांत असलेली सामंथा आज कोट्यधीश आहे.
२०२० मध्ये या माया चेस्वे या चित्रपटाने तिचे टॉलीवूडमध्ये पदार्पण झाले. आता दरवर्षी तिचे किमान तीन ते चार चित्रपट प्रदर्शित होतात. आज कोट्यधीश असलेल्या सामंथाने पैश्यांची चणचण असल्यामुळे चित्रपटसृष्टीत राय ठेवला होता. त्यापूर्वी ती छोटे-मोठे पार्ट टाईम जॉब करायची. मात्र त्यातून तिचे भागायचे नाही. त्यामुळे तिने चित्रपटांमध्ये नशीब आजमावून बघितले. आणि आज ती साऊथमधील यशस्वी नट्यांपैकी एक आहे.
सामंथाने आतापर्यंत तामिळ, मल्याळम आणि तेलगूमध्ये सूपरहीट चित्रपट दिले आहेत. तामिळमध्ये विजय सेतुपतीसोबत मार्शल आणि तेलगूमध्ये रामचरणसोबत रंगस्थलम तिच्यासाठी सर्वांत सूपरहीट सिनेमे ठरले. २०१३ मध्ये सामंथाला तेलगू आणि तामिळ अश्या दोन्ही भाषांमध्ये सर्वोत्कृष्ट अभिनेत्री म्हणून पुरस्कार मिळाला होता. साऊथ सूपरस्टार नागार्जुनाचा मुलगा आणि अभिनेता नागा चैतन्य याच्यासोबत तिचे लग्न झाले असून दोघेही हैदराबादमध्ये वास्तव्याला असतात. समांथाला फार्मिंगची आवड आहे. तिने आपल्या घरी एक छोटीशी बाग तयार केली आहे. तिथे ती स्वतः भाज्या लावते.
